“ReLife” жобасы аясында пробация қызметі есебінде тұрған жастар арасында кіші футболдан турнир өтті. Іс-шараның басты мақсаты қылмыстың алдын алу және жазасын өтеген азаматтарды қоғамға бейімдеу.Жақсы өмірге бағыттау аясындағы жарыс Құқықтық қиындыққа тап болған азаматтар арасында ұйымдастырылды. Тартысты ойынға бес аудан бойынша он команда қатысқан. Іс-шара жастар саясаты басқармасының ұйымдастыруымен өткізілді
Ойын барасындағы тәртіпті сақтау үшін бес ауданның пробация қызметі басшылығы алаңда бақылау жүргізді. Құқық бұзушылықтың алдын алу жөніндегі жиынның негізі жаман әдеттерден арылып салауатты өмір салтын ұстануды насихаттау.
Дәстүрге айналған бұл ісшара ағымдағы жылда бесінші рет ұйымдастырылып отыр. Жыл сайын жоғары деңгейде өткізілетін жиында жеңімпаздарға қомақты ақшалай сыйлықтар табысталды.
