Өз баспанасын жылдар бойы күткен 40 отбасы қуанышқа кенелді. Шымкентте қала әкімі Ғабит Сыздықбеков жаңа пәтерлердің кілтін салтанатты түрде табыстап, қоныс иелерін құттықтады. Жаңа баспаналар «Асар-2 шағынауданында бой көтеріп, тұрғындарға жайлы әрі қолайлы жағдай жасалды. Тұрғындар үшін бұл күн көптен күткен арманының орындалған ерекше сәті. Жаңа пәтерлердің кілтін табыстау рәсімі көрме орталығында өтті. Баспаналар «Отбасы банк» АҚ-ның жеңілдетілген ипотекалық бағдарламалары аясында берілді. Қоныс иелерінің қатарында көпбалалы отбасылар, мемлекеттік қызметкерлер және әлеуметтік санаттағы азаматтар бар. Қоныс иелерінің бірі Айнұр Оразханова. Ол баспана кезегінде 6 жыл тұрғанын айтып, мемлекет тарапынан көрсетілген қолдау үшін алғыс білдірді. Қоныс иесі асар2 шағынауданындағы көп қабатты үйден 2 бөлмелі пәтерге ие болды.
Баспана кезегінде 7 жыл тұрған тұрғын көптен күткен пәтерін бүгін иеленді. Осы уақыт ішінде жаңа үйді асыға күткен ол баспанасының кілтін қолына алған сәтін ерекше қуанышпен қарсы алды. Тұрғын бұл күннің отбасы үшін ұмытылмас сәт болғанын атап өтті. Бүгінде бұл тұрғын үйлер барлық құрылыс нормалары мен сапа талаптарына сай пайдалануға беріліп отыр. Жаңа қоныс иелері қала әкіміне алғыстарын білдіруде. Қолжетімді баспана тұрғындардың тұрмысын жақсартып, өмір сапасын арттыруға мүмкіндік бермек.
