Шымкентте «Заң мен Тәртіп» атты ерекше фотокөрме өтті. «Shymkent Plaza» ойын-сауық орталығында өткен көрмеде полицейлердің күнделікті қызметі мен батылдықты, кәсібилікті талап ететін сәттері бейнеленген. Әсерлі суреттер әрбір келушіге полиция еңбегінің жауапкершілігі мен маңызын сезіндірді. Шараның шырайын Ұлттық ұлан оркестрінің өнері кіргізді. Көрмеге жүздеген қала тұрғыны қатысып, жастар үшін ол қоғамға қызмет етудің айқын үлгісіне айналды. Бұл бастама халық пен полиция арасындағы сенімді нығайтуды көздейді. Ал көрме алдағы күндері де жалғасатын болады.
МЕДИЦИНА ҚЫЗМЕТКЕРЛЕРІ СПАРТАКИАДАДА БАС ҚОСТЫ
Шымкент қаласының медицина қызметкерлері спартакиадада бас қосты. Ақ халатын спорттық киімге ауыстырған абзал жандар бұл жолы өзара спорт алаңында бақ...
