ЕРЕКШЕ АДАМДАРДЫҢ ҚОЛӨНЕР БҰЙЫМДАРЫ

Мегаполисте әлеуметтік қызметкерлер күні қарсаңында арнаулы әлеуметтік қызметтер көрсету орталықтарының қол-өнер бұйымдарының жәрмеңкесі өтті. Әлеуметтік қызметкерлер өз қолдарымен жасаған бұйымдарын қала тұрғындарына көрсетіп, таныстырды. Шараға жалпы белсенді, бақытты жанұя, Бейімдеу орталығы және Арнаулы әлеуметтік қызметтер көрсету орталықтары қатысты.    Бүгінде шаһарда әлеуметтік қызметкерлер күнін кеңінен атап өту мақсатында арнайы он күндік іс-шаралар жоспары әзірленіп түрлі шаралар атқарылуда. Шымкент қаласының жұмыспен қамту және әлеуметтік қорғау басқармасына қарасты арнаулы әлеуметтік қызметтер көрсету орталықтарында қызмет алушылардың қолымен жасалған бұйымдарының көрмесі ұйымдастырылды.
Іс-шара барысында, әлеуметтік сала мамандары қызмет алушылармен атқарып жүрген жұмыстарымен бөлісіп ән, би, мәнерлеп оқу сынды өнерлерін келушілер назарына ұсынды.

Әлеуметтік қызметкер-бұл жай ғана мамандық емес, ол бей-жай қарамайтын, жаны ашық және жүрегі мейірімді адамдарға лайықты кәсіп. Бұл өзінің жанқиярлық еңбегі мен тынымсыз қамқорлығы арқылы қарт адамдарға қызмет ететін, мүгедектерге, аз қамтылған және көп балалы отбасыларға баға жетпес көмек көрсететін барлық адамдарға деген шынайы құрметтің дәлелі болып табылады. Кез-келген дамушы елде әлеуметтік мамандардың рөлі ерекше бағаланатыны анық. Олардың ерең еңбегі елдің әлеуетін көтеріп, экономиканың дамуына үлес қосады.
Айта кетейік, қазіргі таңда осы сала бойынша қаламызда 17 мекеме жұмыс істеп келеді.