Инфрақұрылым, асфальт жол – шымкенттіктердің басым көпшілігінің шымбайына тиген негізгі мәселесі. Әкімнің халықпен кездесуінде көтерілетін сұрақтардың басым көпшілігі осы тақырып төңірегінде. Қоғамдық көліктердің кеш батпай жатып, уақытынан ерте тоқтауын да электронды жолақы жүйесі енгізілгелі халық айтып келеді. Десе де мәселе шешілген жоқ. Бүгін Шымкент қаласының әкімі Ғабит Сыздықбеков Қаратау тұрғындарымен кездесіп, жергілікті жұрттың арызын тыңдады. Микрофонға кезекте тұрғандар көп.
КСМ: Қаратау ауданының әкімі Рахымберді Мүлкеманов стендеп үлгісінде атқарылған тірліктерді тізбелеп, жасап жатқан жұмыстарды айтып берді. 18 елдімекені бар Қаратау жұртының 100 пайызын таза ауыз сумен қамту 2023 жылдың соңына дейін жоспарланыпты. Оның ішінде Бозарық саяжайының жаңақұрылыс аумағын ауыз сумен қамту жұмыстары қолға алынған. Ал, 2025 жылға дейін аймақты кәріз жүйесінің көрсеткішін 65 пайызға жеткізбек
