Енді емханалар медициналық көмектен бөлек әлеуметтік сала бойынша қызмет көрсетіп бастайды. Мегаполистегі 6-шы емханадан осы үлгіде алғашқы «Үздік тәжірибе орталығы» ашылды. Ол денсаулық жағдайына қарай қызмет көрсетуден бөлек, арыз-шағымдарды талдау, әдістемелік жұмыс жүргізу сынды бірқатар әлеуметтік сала бойынша көмек көрсетеді. Дүниежүзілік денсаулық сақтау ұйымының тәжірибесі негізіндегі мұндай орталықтар елімізде санаулы ғана.
№6 қалалық емханасы 2022 жылдың желтоқсан айынан бастап «Үздік тәжірибе орталығына» өтуіне байланысты дайындық жұмыстарды бастаған болатын. 15 қыркүйекте аталған емханада ресми ашылу салтанаты өтіп, оған қала әкімдігі мен медицина саласының білікті мамандары қатысты. Тәжірибе алмасуға мүмкіндік беретін шараған көрші Жамбыл облысынан да дәрігелер келді. Үздік тәжірибе орталығының ашылуынан соң бас дәрігер келген қонақтарға отбасылық дәрігер, миомос, естуші денсаулық сақтау ұйымы сынды жобалық кеңселермен таныстырды.Әр бөлімнің мамандары халыққа көрсетілетін медициналық-әлеуметтік көмек және олардың түрлерімен таныстырды.
Емханалардың медициналық көмек көрсету сапасын ұлғайту, халықтың өмір сүру ұзақтығын арттыру, азаматтардың өз денсаулығы үшін ортақ жауапкершілігі негізінде жұмыс істейтін, медицина мен әлеуметтік саланы ұштастырған бұл орталық елімізде ашылған 10-нысан. Жыл соңына дейін алғашқы көмектің үздік орталығы шаһардағы №1, 3 және 7 емханаға енгізілмек. Бұл туралы қаланың бас дәрігері Нұрлыбек Асылбеков айтты.
Емхананың 107 қызметкері оның ішінде, 68 дәрігер, 39 орта буынды қызметкерлері мамыр, маусым айында «Primary Health Care» Ұлттық қауымдастығының эксперт мамандарының тренингіне қатысып, біліктілігін арттырған. «Аль-Фараби» жастар денсаулық орталығы емханаға қарасты 10 мектептің 12-29 жас аралығындағы жасөспірімдер мен жастар санатына медициналық көмек көрсетеді. Жастар орталығы «4D» негізінде құрылған: сенім, қайырымдылық, қол жетімділік, еріктілік принципіне негізделген. Емханада алғашқы рет ақылмандар кеңесі, халық комитеті құрылды, құрамы мен ережелері бекітілді. Емханада QR-код әдісімен барлық аймақтық дәрігерлер мен бейінді мамандардың аты-жөндері, жұмыс уақыты көрсетілген және қабылдауда болған науқастар өздерінің пікірін қалдыра алады. Алдағы уақытта «Денсаулық сақтаудағы жобалық менеджмент» бойынша емхананың бөлім меңгерушілері мен аға мейіргерлерін, бас дәрігердің орынбасарларын оқыту және осында тіркелген аутизммен ауыратын балаларды анықтау және олардың отбасымен жұмыс жүргізу бойынша жоба жоспарлануда.
