Облыс әкімі Б.Атамқұловтың өкімімен бұл лауазымды қызметке Алмасбек Мамытбеков тағайындалды. 1969 жылы Түлкібас ауданында дүниеге келген Алмасбек Кеңесбекұлы еңбек жолын аталмыш аудандық құс фабрикасының электромантерінен бастаған. 1994-2000 жылдары аралығында Шымкент қаласы әкімдігінің дербес бөлімдерінде еңбек еткен. Ал, 2000-2012 жылы облыс әкімшілігінің қоғамдық келісім және ақпарат басқармасының бас маманы, облыстық мәдениет және жастар ісі басқармасының, сонымен қатар жастар ісі және ішкі саясат басқармасының бөлім бастығы қызметтерін атқарған. Түлкібас ауданы әкімінің орынбасары, облыстық ішкі саясат басқармасының бастығы, «Нұр Отан» Халықтық демократиялық партиясының Облыс бойынша филиалы төрағасының орынбасары, облыс әкімі аппараты баспасөз қызметінің басшысы қызметтерін де абыроймен атқарған. Ал, 2012 жылдың мамырынан бастап, «Нұр Отан» партиясы Оңтүстік Қазақстан облыстық филиалы төрағасының бірінші орынбасары болып еңбек етті. Сонымен қатар, Алмасбек Кеңесбекұлы халық аманатын арқалаған облыстық мәслихаттың депутаты еді. «Нұр Отан» Партиясы фракциясының жетекшісі енді ішкі саясат және дін істері басқармасын басқарады. Қайсыбір қызметте болмасын абыройлы еңбегімен танылған басшы нағыз идеология саласының маманы, білгірі. Облыстың жаңа басшысы Бейбіт Атамқұлов Алмасбек Кеңесбекұлын осы қызметке сенім білдіріп тағайындады. Ал, Алмасбек Мамытбековтың басқарманың жұмысын жүйелендіріп, әрмен қарай жандандыратынына біз де кәміл сенеміз.
ШЕКАРА ШЕБІ: ҚАУІПСІЗДІК КЕПІЛІ
Сарыағаш шекара жасағы - еліміз тәуелсіздік алғаннан кейін алғаш ашылған шекара жасақтарының бірі болып табылады. Облыс республикамыздың оңтүстік шекарасын қорғауда...
