Close Menu
"Айғақ"  ақпараттық порталы"Айғақ"  ақпараттық порталы
    Facebook Instagram YouTube Telegram TikTok Threads WhatsApp
    • Біз туралы
    • Жарнама
    • Байланыс
    Facebook YouTube Instagram Telegram TikTok Threads WhatsApp
    "Айғақ"  ақпараттық порталы"Айғақ"  ақпараттық порталы
    • Басты бет
    • Жаңалықтар
      • Саясат
      • Қоғам
      • Экономика
      • Мәдениет
      • Әлеумет
      • Тарих
      • Боздақтар
      • Спорт
      • Денсаулық
    • Жобалар
    • Сұхбат
    • Айғақ MEDIA
      • Фотогалерея
      • Бейнематериалдар
    • Аймақтар
      • Шымкент
      • Түркістан
      • МӘДЕНИ АСТАНА
    live
    • Біз туралы
    • Жарнама
    • Байланыс
    "Айғақ"  ақпараттық порталы"Айғақ"  ақпараттық порталы
    Facebook Instagram YouTube Telegram TikTok Threads WhatsApp
    Home»Айғақ MEDIA»ТҮРКІСТАНДА ИНВЕСТИЦИЯЛЫҚ ЖӘНЕ ТУРИСТІК МҮМКІНДІКТЕР ТАҚЫРЫБЫНДА ХАЛЫҚАРАЛЫҚ МЕДИА ФОРУМ ӨТТІ
    Айғақ MEDIA

    ТҮРКІСТАНДА ИНВЕСТИЦИЯЛЫҚ ЖӘНЕ ТУРИСТІК МҮМКІНДІКТЕР ТАҚЫРЫБЫНДА ХАЛЫҚАРАЛЫҚ МЕДИА ФОРУМ ӨТТІ

    Айғақ медиаАйғақ медиа24.03.2021796 Views

    Түркі мемлекеттері БАҚ өкілдерінің басын қосқан халықаралық форумда Түркістан облысының инвестициялық және туристік ахуалды жақсарту, облыс экономикасына шетелдік инвестициялар тарту, Түркістанды халықаралық туристік орталық ретінде ілгерілету жөнінде басым бағдарламалар, жоспарлар мен мүмкіндіктер таныстырылды. Шетелдік журналистерге арналған ауқымды шараға Әзірбайжан, Башқұртстан, Қырғызстан, Мажарстан, Өзбекстан, Саха, Тәжікстан, Түркия елдерінен келген түрлі баспа және электронды БАҚ өкілдері қатысты. Басқосуда алғы сөз алған Түркістан облысының әкімі Өмірзақ Шөкеев Наурыз мерекесінде Түркі елдерінің ақпарат кеңістігінің өкілдері рухани шаһарда бас қосуын заңдылыққа балады. Себебі, Түркістан – сан ғасырлардан бері күллі Түркі интеграциясының символы саналады. «Әлемде жаһандық интеграциялық процестер қарқын алған уақытта бүкіләлемдік өркениеттің дамуына құнды үлес қосқан, өміршеңдігі өзгелерге үлгі түркі әлемі бірігуді мақсат етеді. Бұл үдерістің бастамашысы Қазақстан Республикасының Тұңғыш Президенті – Елбасы Нұрсұлтан Назарбаев болды. Ол 1992 жылы түркі мемлекеттері басшыларының бірінші Саммитінде бауырлас халықтардың интеграциялық бірлестігін бастау қажеттігі туралы мәлімдеді. Осылайша, Түркістан қаласы түркі өркениетінің орталығы болып танылды. Бүгінде бұл тарихи үрдіс өз жалғасын тауып, Түркістан Түркі елдеріне ортақ тәу етер қасиетті мекені болып келеді»,- деді облыс әкімі Өмірзақ Шөкеев.Халықаралық форумда ҚР ҰҒА академигі, А.Марғұлан атындағы Археология институтының бас директоры Бауыржан Байтанаев «Түркістанның жаңғыруы: стратиграфиядағы жаңа серпін» тақырыбында баяндама жасады. Облыс әкімі орынбасары Мейіржан Мырзалиев Түркістан облысының инвестициялық және туристтік әлеуеті барысындағы жетістіктермен бөлісті. Түркиядан келген «TRT» телеканалының басқарма өкілі Мехмед Захид «Түркі әлемінің медиалық интеграциясының маңыздылығы» туралы баяндап берді. Шетелдік БАҚ өкілдері пікір алмасып, тәжірибелерімен бөлісті. Қатысушылардың пікірінше, форум Түркістанның жаңа тынысының ашылуына жаңаша серпін береді. Түркітілдес мемлекеттердің тілшілері қасиетті шаһардың көне сипатын сақтай отырып, заманауи қалаға айналуғанына куә болғандарын таңдана жеткізді. «Елбасы облыс орталығын ауыстырған сәтте бірден екі бірдей маңызды құжатқа – Түркістан қаласын дамыту тұжырымдамасына және «Turkistan» арнаулы экономикалық аймағын құру туралы» Жарлыққа қол қойды. Қос құжатты қабылдаудағы басты мақсат – Түркістанға инвестиция құя отырып, туризмді дамыту. Құрметті бауырлас Түркі халықтарының үздік БАҚ өкілдері! Түркі Мемлекеттерінің ақпарат кеңістігіндегі үздік БАҚ-ның өзара ынтымақтастығын нығайтып, бірлесе жұмыс атқаруында бүгінгі жиынның маңызы зор. Себебі, түбі бір Түркі елдерінің наным-сенімі, түпкі тарихы, өмір сүру қағидалары бір-бірімен біте қайнасып жатыр. Түркі Мемлекеттерінің көнеден қалыптасқан ынтымақ-бірлігі мен барлық бағыттағы әріптестік байланыстары нығая түседі деп сенемін»,- деді Өмірзақ Шөкеев. 2020 жылдың қорытындысы бойынша облыстың негізгі капиталына 703 млрд.теңге инвестиция бағытталды. Бұл 2019 жылмен салыстырғанда 60%-ға артық. Оның ішінде сыртқы инвестициялар көлемі 112 млрд.теңгені құрады. Тартылған инвестициялардың арқасында қала күннен күнге көркейіп келеді. Бұл өз кезегінде Түркістанға туристердің көптеп келуіне ықпал етеді. Шетелдік БАҚ өкілдерінің басын қосқан іс-шара аясында Роуд-шоуға қатысушылар 20-22 наурыз аралығында баспасөз турларында болады. Түркістан облысындағы тарихи-мәдени мұра нысандарын аралауда. Арыстан баб кесенесінде болып, Отырар қалашығы, Отырар ауданы орталығы, Қожа Ахмет Ясауи сәулет кешені бойынша экскурсияға қатысып, Ақмешіт үңгірі мен Кемеқалған монументінде болды.

    Түркістан облысы әкімінің баспасөз қызметі

    Share. Facebook Twitter Pinterest LinkedIn Email VKontakte Telegram WhatsApp Copy Link
    Айғақ медиа

    Related Posts

    ШЫМКЕНТ МЕРГЕНДЕРІ ӘЛЕМДІК АРЕНАДАДА ТОП ЖАРДЫ

    16.11.2026

    ҚАЛАНЫҢ ЖАСЫЛ КЕЛБЕТІ: ЭКОЛОГИЯЛЫҚ ЖАҢҒЫРУ МЕН ТАЗА ОРТАҒА БАҒЫТТАЛҒАН ЖҰМЫСТАР

    16.11.2026

    ДАҢҚТЫ БАПКЕРДІҢ ҚҰРМЕТІНЕ ХАЛЫҚАРАЛЫҚ ДОДА

    12.11.2026
    Leave A Reply Cancel Reply

    ПРЕЗИДЕНТ ЖОЛДАУЫ
    ҚАЗАҚСТАН РЕСПУБЛИКАСЫНЫҢ ПРЕЗИДЕНТІ —
    ҚАСЫМ-ЖОМАРТ КЕМЕЛҰЛЫ ТОҚАЕВ

    Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін, мәтін бөлігі немесе дәйексөз алынғанда міндетті түрде тиісті сілтеме көрсетілуі керек.

    БАЙЛАНЫС

    Мекен жайы: Қазақстан Республикасы, Шымкент қаласы, Ғ.Iляев көшесi, №29 үй
    E-mail: aigak@mail.ru
    Телефон: +77014416666

    Қазақстан Республикасы Ақпарат және Коммуникациялар министрлігі ақпарат комитетінде 2019 жылы 13 маусымда тіркеліп, № 17745 — ИА куәлігі берілген.

    Facebook Instagram Telegram YouTube TikTok Threads WhatsApp
    © 2015- 2026 . «Айғақ» ақпараттық порталы. Барлық құқықтар сақталған.

    Type above and press Enter to search. Press Esc to cancel.