Шымкент қаласындағы атшабар мәселесі бірнеше айдан бері талқыға түсіп жатыр. Бірі қол көтере қолдауда, ал енді бірі қарсылық білдіруде. Мақұлдап отырған тарап ипподром жеріне тұрғын үй салынып, шағын және орта бизнес дамыса дейді. Мемлекет жеріне «BI Group» компаниясы құрылыс жүргізгенін орынды деп тапты. Қарсылық білдіріп отырғандың басым көпшілігі қоғамда және әлеуметтік желіде белсенділік танытып жүргендер. Яғни бұл тарап ипподромның көшірілгеніне қарсы емес, тек орнына демалыс аймағы салынса дейді. Миллионды тұрғыны бар қала жасыл аймаққа айналса деген пікір айтылып жатыр. Қоғамдық тыңдаудың нәтижесі алдағы уақытта жарияланады деп күтілуде.Айғақ-ақпарат