Қолына қалам алып, қағазға түрлі сызықтар сызу арқылы өмірін өзгертуге болады десе сенесіз бе? Бірі мұны шығармашылық дейді, енді бірі санаға әсер ететін ерекше әдіс деп қабылдайды. Ал бүгінде нейрографика деп аталатын тәсіл арқылы ішкі кедергілерді еңсеріп, ойдағы мақсатқа жетуге талпынып жүргендер көбейген.
Бұл әдіспен төрт жылдан астам уақыттан бері айналысып жүрген маманның айтуынша, нейрографика адамның ішкі қарсылығы мен шектеулерін анықтап, оларды өзгертуге бағытталған. Оның сөзінше, қағаздағы сызықтардан басталған жұмыс адамның күнделікті өміріндегі ойлау жүйесіне де әсер етуі мүмкін.
Қағаз, түрлі түсті бояулар және еркін қиял. Қатысушылар салған әрбір сызыққа өзіндік мағына беріп, ойындағы мақсаты мен тілегін бейнелейді. Бірі бұл әдіске қызығушылықпен келсе, енді бірі өміріндегі өзгерісті сезіну үшін қатысып отыр.
