ЖАҢА КОНСТИТУЦИЯ — ҚҰҚЫҚЫТЫҚ МЕМЛЕКЕТТІҢ БЕРІК НЕГІЗІ

 Шымкентте Жаңа Конституциялық реформаларды түсіндіру жұмыстары жалғасуда. Соның аясында Ө. Жәнібеков атындағы Оңтүстік Қазақстан педагогикалық университетінде дөңгелек үстел өтті. Жиында құқықтық мемлекет қағидаттарын нығайтудағы білім мен ғылымның рөлі талқыланды.Оқу ордасында өткен басқосуға ғалымдар, заңгерлер, оқытушылар мен студенттер қатысты. Олар Жаңа Конституцияның қоғамдағы маңызына тоқталып, құқықтық мәдениетті қалыптастыруда жоғары оқу орындарының жауапкершілігін талқылады. Қатысушылардың айтуынша, білім мен ғылымның дамуы – әділетті қоғам құрудың басты кепілі. Сондай-ақ жастардың құқықтық сауаттылығын арттыру және азаматтық жауапкершілікті күшейту бағытындағы ұсыныстар ортаға салынды.Жиын барысында қатысушылар Конституциялық реформалардың елдің құқықтық жүйесін жетілдірудегі маңызына ерекше тоқталды. Сондай-ақ Ата Заңға енгізілген өзгерістер азаматтардың құқықтары мен бостандықтарын қорғауды күшейтіп, қоғамдағы әділеттілік қағидаттарын нығайтуға бағытталғаны айтылды. Жалпы, құқықтық мемлекет қалыптастыруда Жаңа Конституцияның маңызы зор. Осындай кездесулер оның мәні мен мазмұнын қоғамға кеңінен түсіндіруге мүмкіндік береді.