Шымкент қаласында арнайы белгіленген мал жаятын орындар жоқ. Оған себеп, қаланың республика көлемінде 3 ші мегаполиске айналуы. Осыған байланысты Абай ауданында ветеринарияға қатысты жаңа заң талаптарын түсіндіру жұмыстары жүргізілді. Одан бөлек қаңғыбас- ит, мысықтардың жайы да сөз болды. Абай ауданында энзотиялық және эпизотиялық ахуал тұрақты. Бүгінде жануарларға жауапкершілікпен қарау мәселесінде ветеринарлар тарапынан ескертулер айтылды. Онда қажетті көмекті дер кезінде алу керектігін, оған қарасты аусул, сары ауру, сібір жарасы секілді зиянды ауруларға вакцинациялау жұмыстарын қалыс қалдыруға болмайтындығы сөз болды. Сондай ақ мал басын бірдейлендіру оны сатуда айтарлықтай рөл атқарады. Қазірде кез келген малға қатысты көмек алу үшін Төрт түлік қосымшасы іске қосылған.
Жайылым жері жоқ болғанымен, ауданда мыңдаған мал басы бар. Сондықтан малды ауыздықтап ұстау қажеттігі айтылды. Оның ішінде мал басынан жұғатын жұқпалы аурулар, өзге тұрғындардың мүлкін бұзу секілді бірқатар мәселелер көтерілді. Әсіресе дәл осы Игілік тұрғын алабында темір жолдың болуына байланысты айтарлықтай қауіп бар. Десе де тұрғындардың вакцинациялауда ветеринарлық қызметке айтар арыз шағымы жоқ. Тиісінше дән риза. Тек жайылым жердің жоқтығынан табиғи сүт өнімдерін іше алмай қаламыз ба деген сауалдары бар.
Қаңғыбас иттер мен мысықтар күн тәртібіндегі өзекті мәселе. Шымкент қаласының ПД мәліметіне сәйкес, жануарларға жауапкершілікпен қарамаған 223 азамат айыппұл арқалаған. Десекте қала аумағында қауіпті жануарларды аулау жұмыстары тұрақты жүргізіліп келеді. Ұсталғандары иесі анықталған жағдай да әкімшілік жауапкершілікке тартылып, қайтадан өздеріне қайтарылады.
