БАҚША ӨНІМІН АЛАРДА АБАЙ БОЛЫҢЫЗ

Жаз мезгілі басталғалы базар сөрелері бақша өнімдеріне толды. Алайда мамандар жеміс-жидек пен көкөніс таңдауда сақ болуға шақырады. Санитарлық-эпидемиологиялық бақылау департаментінің мәліметінше, дәріленген өнімдердің нарыққа шығу әбден мүмкін.  Сондықтан тұтынушылар өнімнің сапасы мен сыртқы келбетіне ерекше мән бергені жөн.

Санитарлық-эпидемиологиялық бақылау департаменті бақша дақылдарын сатып алу кезінде мұқият болу қажеттігін ескертеді. Мамандардың айтуынша, бүгінде нарықта түрлі өңдеуден өткен жеміс-жидектер кездесуі мүмкін. Дегенмен олардың әрқайсысын толық бақылауда ұстау мүмкін емес. Жыл басынан бері Шымкент қаласында бақша өнімдеріне қатысты тұрғындардан ресми шағым түспеген. Соған қарамастан тұрғындарға өнімді аларда оның сапасы мен қауіпсіздік талаптарын ескергенін назарға алу керек.

Мамандар жаз мезгілінде жұмсақ балмұздақ өнімдерін тұтынғанда ерекше сақ болуға шақырады. Өнімді сатып аларда оның дайындалу жағдайына, сақталу мерзіміне және сату орнының тазалығына назар аудару қажет. Себебі санитарлық талаптар сақталмаған жағдайда мұндай тағамдар адам денсаулығына кері әсер етуі мүмкін. Сондай-ақ өнімді тұтынар алдында міндетті түрде жақсылап жуу қажет.  Қазіргі таңда қаладағы жабайы базарларға санитарлық жағдайына тұрақты тексеру жүргізілмейді. Осыған байланысты тұтынушының жеке сақтығы басты рөл атқарады. Қауіпсіз өнімді таңдау денсаулықты сақтаудың маңызды кепілі.