Қаржылық пирамида белгілері бар алаяқтық ұйымдар көбейіп, қоғамда алаңдаушылық тудырып отыр. Баспасөз брифингінде мамандар бұл қауіпке ерекше тоқталып, тұрғындарды күмәнді «жылдам табыс» уәделерінен сақ болуға шақырды. Шымкент қаласы бойынша Экономикалық тергеп-тексеру департаменті бұл бағыттағы жұмысты жүйелі жүргізіп, жыл сайын мұндай қылмыстық істер саны 2-ден аспайтынын атап өтті. 
Қаржылық пирамида – бұл нақты табыс көзі жоқ, жаңа қатысушылардың қаражаты есебінен пайда табуды көздейтін заңсыз жүйе. Мұндай ұйымдар көбіне «жоғары табыс», «жылдам пайда» деген уәделермен халықты алдап, сенімге кіреді. Бастапқыда қосылғандар табыс тапқандай көрінгенімен, кейінгі салымшылар қаржысынан айырылып жатады. Сарапшылар мұндай схемалардың негізгі белгілеріне ерекше назар аудару қажет екенін айтты.
