ЕҢБЕКШІ АУДАНЫНА БИЫЛ 6,8 МЛРД ТЕҢГЕ БӨЛІНДІ

Өндірісі мен инфрақұрылымы дамыған Еңбекші ауданына биыл 6,8 млрд теңге қаржы бөлінді. Қала бойынша инфрақұрылым жағынан алдыңғы қатарда тұрған ауданда табиғи газбен және ауыз сумен қамту деңгейі 97 пайызға жеткен. Бұдан бөлек, биыл ауданда  4 жаңа гүлзармен толығады.

230 мыңнан астам халқы бар ауданды басқарып отырған Досбол Күздікбайұлы биыл атқарылған жұмыстар мен алдағы жоспарлар туралы баспасөз конференциясында баяндады. Қазірде ауданда инфрақұрылымды 100 пайызға жеткізу мақсатында тиісті жұмыстар жүргізіліп жатыр. Соның бірі – ауыз сумен қамту. Өткен жылы халық тығыз шоғырланған аумақтар толық ауыз сумен қамтамасыз етілген болса, биыл бұл жұмыстардың жалғасы ретінде қалған үш мекенжайда құрылыс жұмыстары жүргізілуде.

Бұдан бөлек, табиғи газбен қамту жұмыстары бойынша өткен жылы Жұлдыз тұрғын алабы, Қарабастау–Жаңақұрылыс және Жұлдыз–Жаңақұрылыс учаскелеріне газ берілген болатын. Ал биыл «Достық» тұрғын алабы мен «Қазығұрт» станциясы аумағын толық табиғи газбен қамту жоспарланып отыр деп мәлімдеді аудан әкімі.

Сонымен қатар, 280-нен астам көпқабатты тұрғын үйі бар ауданда кәріз жүйесі де ретке келтірілуде. Қазіргі таңда Достық көшесінің бойындағы көпқабатты тұрғын үйлер мен тағы 20 тұрғын үйге кәріз жүйесін жүргізу бойынша құрылыс жұмыстары басталған. Жалпы ауданда тұрғындарға жайлы орта қалыптастыру мақсатында биыл 4 жаңа гүлзар салу жоспарланған. Қазіргі таңда оның 3 мекенжайында тиісті құрылыс және абаттандыру жұмыстары жүргізілуде. Снх: Ксм: Баспасөз конференциясында айтылған жұмыстар толық жүзеге асса, Еңбекші ауданының келбеті жаңарып, әлеуметтік инфрақұрылымы айтарлықтай жақсара түспек.