ЖЕҢІС РУХЫ — МӘҢГІЛІК

Ұлы Жеңіске – 81 жыл Ел тарихында маңызды орын алатын мереке қарсаңында Шымкентте ауқымды іс-шара өтті. Ерлік пен елдіктің символына айналған бұл күн – батырларға тағзым, ұрпаққа өнеге. Жиынға 150-ге жуық тыл ардагерлері мен Ауған соғысының ардагерлері, сондай-ақ қала депутаттары мен прокуратура өкілдері қатысты.

Жиналған көпшілікке арнайы дастарқан жайылып, ас берілді. Сонымен қатар, мерекелік концерттік бағдарлама ұйымдастырылып, қонақтарға көтеріңкі көңіл күй сыйлады. Сахнада патриоттық әндер шырқалып, ардагерлерге құрмет көрсетілді. Кездесу барысында ел тыныштығы жолында еңбек еткен жандарға құрмет көрсетіліп, жылы лебіздер айтылды. Мұндай тағылымды шаралар жас ұрпақты патриоттық рухта тәрбиелеуге, тарихты құрметтеуге бағытталған. Бұл Жеңіс – бабалардың қан мен тер төгіп, елдің азаттығы мен болашағы үшін жасаған өлшеусіз еңбегінің нәтижесі. Олардың ерлігі бүгінгі таңда бейбіт өмірдің берік негізі.

Ерлік – елге мұра, ұрпаққа – ұран. Ардагерлерге құрмет көрсетіп, оларды бір дастарқан төріне тоғыстырған мұндай игі шаралар – ел бірлігінің айқын көрінісі. Бұл басқосу аға буынның ерлігін ұлықтап қана қоймай, жас ұрпаққа тағылым мен тәрбие берудің жарқын үлгісіне айналды.