380 колледж қатысқан ауқымды сән байқауы өз мәресіне жетті. Жастар ресурстық орталығында сервис және қызмет көрсету саласы бойынша педагогтер арасында өткен республикалық кәсіби шеберлік конкурсының жеңімпаздары анықталды. Салтанатты жабылу рәсімінде үздіктер марапатталып, арнайы жүлделер мен алғыс хаттар табысталды.
Байқау тігін өндірісі мен сән индустриясын дамытуға бағытталып, еліміздің түкпір-түкпірінен келген мамандардың кәсіби деңгейін көрсетуге мүмкіндік берді. Қатысушылар теориялық және практикалық кезеңдерде өз шеберліктерін дәлелдеді.
Байқауда еліміздің әр өңірінен келген педагогтер өзара тәжірибе алмасты. Қатысушылар сән технологиясы бойынша заманауи бағыттар мен тың идеяларын ортаға салды.Нәтижесінде үздік деп танылған қатысушылар І, ІІ, ІІІ орынмен марапатталып, кәсіби шеберліктің жоғары деңгейін көрсетті. Сонымен қатар, бірқатар мамандар арнайы алғыс хатқа ие болды. Іс-шара аясында студенттер дайындаған «Көшпенділер» және «Шығыс маржандары» сән көрсетілімі ұсынылды. Көрермендер ұлттық нақыш пен заманауи стиль үйлесіміне жоғары баға берді.
