ЕСІРТКІСІЗ ӨМІР — САНАЛЫ ТАҢДАУ

Заңды бұзған адам – өз өміріне өзі балта шапқанмен тең. Бүгінгі таңда жастар арасында есірткі мәселесі өзекті болып отыр. Осыған орай, жас ұрпаққа есірткінің зиянын түсіндіру, оның алдын алу мақсатында «Есірткінің зияны да – жазасы да ауыр» деген тақырыпта жастармен кездесу өтті. Аталған шара М. Тынышбаев атындағы жоғары оқу колледжінде ұйымдастырылып, оған құқық қорғау органдарының өкілдері, дәрігер мамандар және студент жастар қатысты. Кездесу барысында есірткінің адам денсаулығына, психологиялық жағдайына және болашақ өміріне тигізетін кері әсері жан-жақты түсіндірілді.

Мамандар жастарды зиянды әдеттерден аулақ болуға шақырып, салауатты өмір салтын ұстанудың маңыздылығын атап өтті. Сонымен қатар, заң бұзудың салдары мен жауапкершілігі туралы да нақты ақпараттар берілді. Осындай кездесулер оқу орнында кем дегенде айына екі рет ұйымдастырылады. Бұл шаралардың басты мақсаты – жастардың құқықбұзушылыққа, алаяқтыққа баруының алдын алу, сондай-ақ олардың болашақта жаман әдеттерге бой алдырмауына ықпал ету, дейді мамандар.

«Тәртіпке бағынған құл болмайды, тәртіпсіз ел болмайды». Осындай шаралар арқылы жастардың құқықтық сауаттылығы артып, жауапкершілігі жоғары азамат болып қалыптасуына жол ашылады. Сонымен қатар, бұл кездесу жасөспірімдердің жаман әдеттерден аулақ болуына, дұрыс өмірлік бағыт таңдауына оң ықпал етеді.