ЖЫЛУМЕН 100% ҚАМТЫЛАДЫ

Үшінші мегаполисте қараша айының алғашқы күнінен бастап әлеуметтік нысандар толықтай жылумен қамтамасыз етілді. Толықтай мегаполис жұрты 6 қарашаға дейін толықтай жылумен қамтылады. Бұл туралы қала әкімінің орынбасары Сәрсен Құранбек арнайы өткен брифинг барысында мәлімдеп, жылу маусымының жоспарлы түрде жүріп жатқанын айтты.

Жиын барысында қаладағы 2154 көпқабатты тұрғын үйдің 2093-і толықтай жылумен қамтылғаны айтылды. Қалған үйлерге жылу 6 қарашаға дейін толық беріледі деп жоспарланып отыр. Әкім орынбасарының айтуынша, жылуды үйлерге дейін жеткізіп беру – «Қуат жылу орталығының» негізгі міндеті. Ал үй ішіндегі жылу жүйесінің дұрыс айналымға түсуі тұрғындар мен пәтер иелері кооперативтерінің жауапкершілігіне жатады. Қала билігі барлық үйлердің біркелкі және тұрақты жылумен қамтылуын қамтамасыз етуді басты назарда екенін айтты.

Әкім орынбасарының айтуынша, жылу беру науқанының алғашқы кезеңінде суық су мен айналымға қатысты кейбір техникалық қиындықтар туындаған. Дегенмен, мамандар мәселені дер кезінде анықтап, қажетті шараларды шұғыл қабылдаған. Нәтижесінде барлық олқылықтар толық жойылып, жылу жүйесінің жұмысы тұрақты режимге көшкен.

Қазіргі таңда қаладағы жылу жүйесі тұрақты әрі қалыпты режимде жұмыс істеуде. Шаһардағы барлық үйлер мен әлеуметтік нысандардың толық әрі біркелкі жылумен қамтылуын басты назарда екенін айтты қала әкімінің  орынбасары. Алдағы күндері жылу беру жұмыстары толық аяқталып, тұрғындар үшін қолайлы жағдай қамтамасыз етіледі.