Шымкент қаласында цифрландыру бағытында айтарлықтай өзгерістер жүріп жатыр. Сол бастамалардың алдыңғы қатарында Beeline Қазақстан компаниясы тұр. Оператор бүгінде қаланың жеке секторларын жоғары жылдамдықты GPON технологиясымен қамтуды қарқынды жүргізіп, жаңа аудандарда оптикалық инфрақұрылымды белсенді түрде орнатып келеді. Қала тұрғындарына сапалы және жылдам байланыс ұсыну — компанияның басты міндеті. Бүгінгі таңда оптикалық желі көпқабатты үйлермен қатар жеке секторларда да жүргізілген. Атап айтқанда, Сайрам, Ақжайық, Асар-2, Тельман, Қайнарбұлақ, Қайтпас-2 және Қатынкөпір мөлтек аудандарына толықтай талшықты интернет желісі тартылды. Алдағы уақытта Ынтымақ, Ынтымақ-1, Ынтымақ-2, Достық, Нұршуақ, Самал-3, Нұрсат және Нұртас шағын аудандарын қосу жоспарда бар.
GPON технологиясының мүмкіндіктері
GPON технологиясы секундына 300 Мбит/с дейін жылдамдық ұсынып, HD форматтағы фильмді бірнеше минутта жүктеуге мүмкіндік береді. Бір уақытта бірнеше құрылғы қосылғанның өзінде интернеттің жылдамдығы төмендемейді. Бұл әсіресе оқу маусымында өте өзекті: балалар онлайн-сабаққа қатысады, ата-аналар қашықтан жұмыс істейді, жалпы айтқанда отбасы мүшелері сервистерді еш қиындықсыз пайдалана алады.
Үйдегі интернетке қосылу өте оңай. Барлық техникалық жұмыстарды компания мамандары орындайды, сондықтан пайдаланушылар тек жоғары жылдамдықты қызметті пайдалана алады
Ержан Кошмахамбетов, Beeline компаниясының Шымкент қаласы бойынша интернет желілері бөлімінің басшысы:
— Бұған дейін Шымкент қаласында Beeline интернеті негізінен көпқабатты тұрғын үйлерде қолжетімді болатын. Ал жеке секторды жоғары жылдамдықты интернетпен қамтамасыз ету жұмыстары соңғы жылдары айтарлықтай қарқын алды. Соңғы екі жылда жеке үйлерді қосуға ерекше назар аударып келеміз, өйткені үйдегі интернетке деген сұраныс едәуір артты. Қазіргі таңда жеке секторды 20- 30% деңгейінде қамтып үлгердік. Алдағы жылдары мегаполисті толық қамтуды мақсат еткен ауқымды стратегиялық жобаларымыз жоспарланған.
Цифрландыру дәуірінде сапалы интернет — күнделікті қажеттілік. Осыған байланысты біз GPON желісін тек заманауи талшықты-оптикалық кабельдер және жоғары технологиялы роутерлер арқылы орнатамыз. Қолданылатын құрылғылардың барлығы – соңғы үлгідегі әрі халықаралық сапа стандарттарына сай жабдықтар. Бұл абоненттерге жылдам, тұрақты интернетті кедергісіз пайдалануға мүмкіндік береді. Сонымен қатар, әрбір орнатылған желі бойынша абоненттермен тұрақты кері байланыс жүргізіп, қызмет сапасын үздіксіз бақылауда ұстаймыз.
Жоғары жылдамдықты интернет – әрбір тұрғын үшін
Beeline ұсынған сапалы оптикалық интернет Шымкент тұрғындарына қашықтан жұмыс, онлайн оқыту, медициналық және мемлекеттік қызметтерге қолжетімділікті арттырады. Балалар мен жастарға білім процесін тиімді жүргізуге, шығармашылық және зерттеу мүмкіндіктерін кеңейтуге жағдай жасайды. Сондай-ақ, жоғары жылдамдықты байланыс шағын және орта бизнеске тиімділік пен бәсекеге қабілеттілікті арттыруға мүмкіндік береді, жаңа цифрлық сервистер мен стартаптардың дамуына жол ашады.
Құрасын Төкен, Шымкент қаласы Ақжайын мөлтек ауданының тұрғыны:
— Қазір интернетсіз күнделікті тірлік қиындап барады. Жұмыс істеу, қоғамдық көлікте жолақы төлеу, сауда жасау — бәрі онлайн жүйеге бейімделіп кетті. Немерелерім оқиды, олармен байланысып, мектептен алып кету үшін де тұрақты желі қажет. Сол себепті, мамандардың кеңесімен үйге қолжетімді интернет жүргізіп қойдым. Содан бері өз жұмысым да жеңілдеп, балалар да сабаққа дайындалып, түрлі онлайн үйірмелерге қатысып, бос уақытын тиімді өткізе бастады.
Қуаныш Момышұлы, Шымкент қаласының тұрғыны:
— Бұрын ата-бабаларымыз алыстағы туыстарынан айлап-жылдап хабар ала алмаған. Қазір заман басқа, байланыссыз отыру мүмкін емес. Уақыттың талабы — ақпаратқа тез қол жеткізу. Сол себепті отбасымызға үй интернетін қостық. Үйдегілердің барлығы бір жүйеге қосылып, оқу, жұмыс және күнделікті тұрмысқа қажетті шаруаларды еш қиындықсыз атқарып жүр.
Сапалы интернеттің Шымкент үшін маңызы қандай?
Қаланың цифрлық инфрақұрылымын жаңарту арқылы Beeline Шымкенттің экономикалық және әлеуметтік әлеуетін нығайтып, мегаполис тұрғындарына заманауи сервистер мен қызметтерді тұрақты жеткізуді қамтамасыз етеді. Beeline үшін басты міндет – сапалы байланыс пен тұрақты интернетті әрбір отбасыға жеткізу. Заманауи желілердің салынуы Шымкенттің цифрлық дамуын жеделдетіп, тұрғындарға тиімді әрі қолайлы мүмкіндік ұсынады. Бұл жобаға Шымкент қаласы әкімдігі мен “Оңтүстік Жарық” мекемесінің меморандум арқылы қолдау көрсетуі қаланың инфрақұрылымын жаңғыртуға жаңа серпін берді.
