ЖАСТАРДЫҢ РЕПРОДУКТИВТІ ДЕНСАУЛЫҒЫ — БАСТЫ НАЗАРДА

Қазіргі қоғамда қыз-келіншектердің денсаулығына қатысты түрлі мәселелер өзекті. Осыған орай, «AMANAT» партиясының «Әйелдер қанаты» ұйымдастыруымен «Жастардың репродуктивті денсаулығы. Сау жүктілікті жоспарлау» атты маңызды семинар өтті. Шараның негізгі мақсаты – арулардың денсаулығын сақтау, отбасылық құндылықтарды насихаттау және жастарға сапалы медициналық кеңес беру.

Семинар барысында мамандар репродуктивті денсаулық туралы кең көлемді ақпарат ұсынып, маңызды сұрақтарға жауап берді. Жиынға модератор ретінде қалалық партия филиалы жанындағы «Әйелдер қанатының» жетекшісі Наргиза Керімбаевп, жоғары санатты дәрігер Наталья Рыкова, сондай-ақ акушер-гинеколог, Жамиля Алиева қатысып, қатысушыларға өз тәжірибелерімен бөлісті. Мамандар жүктілікті дұрыс жоспарлау жолдарын кеңінен түсіндіріп, ерте жүктіліктің салдары туралы маңызды ақпараттармен бөлісті. Олар көптеген қыз-келіншектердің бұл тақырыпта жеткілікті білімінің болмауы қайғылы жағдайларға әкеп соғуы мүмкін екенін атап өтті. Сонымен қатар, жастардың өз денсаулығына қатысты мәселелерді ашық талқылаудан ұялуы – үлкен проблема. Сондықтан мұндай тақырыптарда ақпараттандыру мен сенімді орта қалыптастыру аса маңызды.

Семинар барысында қыз-келіншектер мамандарға көкейлерінде жүрген сұрақтарын қойып, жан-жақты жауап алды. Қатысушылар ұйымдастырушыларға алғыстарын білдіріп, осындай іс-шаралардың жиі өтуінің маңыздылығын айтты. Бұл бағыттағы ақпараттық-ағартушылық жұмыстар «AMANAT» партиясы тарапынан алдағы уақытта да жалғасын таппақ.