50 жылдан аса тарихы бар Түркістан жоғары көпсалалы, аграрлық колледжінде бүгін Білім күні аталып өтті. Қоғамға танымал талай түлекті шығарған оқу ордасы биыл 800-ден астам студентті қабылдаған. Шара барысында колледж басшылығы болашақ мамандарға арнап Студенттер аллеясын ашты.
Бүгінгі мерекелік шараның негізгі мақсаты – жас ұрпақты білімге деген құштарлыққа баулу, патриоттық тәрбиеге үндеу және оқу орнының қоғамдық өміріне белсенді қатысуға шабыт беру болды. Іс-шара аясында колледж тарихындағы ерекше әрі тәрбиелік мәні зор бастама – Студенттер аллеясысалтанатты түрде ашылып, студенттердің игілігіне берілді. Бұл – тек физикалық кеңістік қана емес, жастардың колледжге деген сүйіспеншілігінің, бірлігінің және ұжымдық жауапкершілігінің нақты көрінісі.
