«AMANAT» партиясы Шымкент қалалық филиалының ұйымдастыруымен «Құқықтық көмек» партиялық жобасы аясында көшпелі қабылдау өтті.
Іс-шараға «AMANAT» партиясы Республикалық қоғамдық қабылдау бөлмесінің консультанттары Сағындық Жылқыбаев пен Әсел Қожахметова, сондай-ақ қала және аудан әкімдігінің қызметкерлері, құқық қорғау органдарының өкілдері мен кәсіби заңгерлер қатысты. Олар тұрғындардың жеке өтініштері мен арыз-шағымдарын қабылдады.
Кездесу барысында азаматтар негізінен жолдарды жөндеу, жарықтандыру, сапалы ауыз су және балалар ойын алаңшаларын салу мәселелерін көтерді. Барлық айтылған ұсыныстар арнайы хаттамаға енгізіліп, жауапты мекемелерге жолданды.
