КІТАП ОҚИТЫН ҰЛТ ЖОБАСЫ ТАНЫСТЫРЫЛДЫ

Үшінші мегаполисте Мемлекет басшысының бастамасымен қолға алынған «Кітап оқитын ұлт » атты республикалық жоба таныстырылды. Бұл жоба – ұлттың зияткерлік әлеуетін арттыру үшін кітап оқу мәдениетін қалыптастыруды мақсат етеді. Жеңімпаздарға 1 миллион теңгеден сыйақы берілетін байқауда алты санат бойынша үздіктер анықталады.

Қазіргі таңда жастарды кітап оқуға баулу – қоғамның маңызды міндеттерінің бірі. Осы орайда ұйымдастырылған жоба– білім алушыларды, ұстаздарға, мемлекеттік қызметкерлерді рухани байытуға, ой-өрісін кеңейтуге, шығармашылық пен сын тұрғысынан ойлау қабілеттерін дамытуға бағытталған игі бастама болары сөзсіз. Бұл байқау аясында қатысушылар арнайы таңдалған 15 кітапты оқып, олардың мазмұнын терең түсініп, өз ой-пікірлерімен бөліседі. Шара жастардың кітап оқуға деген қызығушылығын арттырып, ойлау қабілеті мен шығармашылық әлеуетін дамытуды мақсат етеді. Сонымен қатар, бұл байқау білімді, көзі ашық ұрпақ тәрбиелеуге үлес қосады.

Кітап оқу – студенттердің сыни ойлауын дамытуға, дүниетанымын кеңейтуге және рухани өсуіне ықпал ететін маңызды құрал дейді университет басшылары. «Кітап оқитын университет» жобасы – жастардың интеллектуалдық әлеуетін арттырып, оларды терең ойлауға баулитын, әрі қоғамның рухани дамуына үлес қосатын үлкен бастама. Мұндай жобалар – еліміздің білім саласындағы жаңашыл әрі нәтижелі қадамдарының бірі.