АЗАМАТТАРҒА ТЕГІН ЗАҢДЫ КЕҢЕС

       Шымкентте Конституцияның 30 жылдығына орай “Әр азаматқа – заңдық көмек!” акция ұйымдастырылды. Іс-шара барысында Әділет департаменті, жергілікті атқарушы органдардың өкілдері және нотариустар тұрғындарға тегін құқықтық кеңес берді. Акцияның негізгі мақсаты – азаматтардың құқықтық сауаттылығын арттырып, заң көмегіне қолжетімділікті қамтамасыз ету.

Шара барысында Әділет департаменті заңнамалық актілер бойынша ақпараттық материалдар таратып, тұрғындардың құқықтық сауаттылығын арттыру мақсатында түсіндіру жұмыстарын жүргізді.
Жиын барысында департамент басшысы іске қосылып жатқан жаңа тетік туралы айтып, оның тиімділігін түсіндірді.
Енді азаматтар сот орындаушысын іздеп әуре болмай, арнайы жүйе арқылы телефон арқылы тікелей өтініш жолдай алады.

Акцияның басты мақсаты – халықтың құқықтық сауаттылығын арттыру, азаматтардың заң аясындағы сұрақтарына жауап беру және құқықтық көмекке қолжетімділікті қамтамасыз ету.
Бұл бастама арқылы тұрғындарға құқықтарын білу және қорғау жолында нақты әрі пайдалы ақпарат ұсынылды.
Іс-шараға Шымкент қаласының Әділет департаментінің мамандары, жергілікті басқарма өкілдері, нотариустар мен құқық саласының кәсіби мамандары қатысты.
Олар азаматтарға түрлі құқықтық бағыттар бойынша тегін кеңес беріп, мәселелерді шешуге көмектесті.

Жиын барысында азаматтар жер, тұрғын үй, әлеуметтік қамтамасыз ету, отбасылық құқық және басқа да өзекті тақырыптар бойынша мамандардан кеңес алу мүмкіндігіне ие болды. Бұл шара тұрғындардың күнделікті өмірінде жиі кездесетін заңдық мәселелерге қатысты түсініспеушіліктерді азайтып, құқықтық мәдениетті қалыптастыруға оң ықпал етеді.