ШАХМАТ СПОРТЫ ҚАРҚЫНДЫ ДАМУДА

Шахмат жанкуйерлеріне арналған Shymkent Chess Fest  фестивалі өтті. Жиынға 200-ге жуық оқушы қатысуға ниет білдірген. Ақыл-ой спортында қызықты сұрақтар қойылып, балалар интеллектуалды мүмкіндіктерін кеңейтті. Бүгінгі таңда қаладағы мектеп оқушыларының 20 мыңға жуығы шахмат үйірмелеріне қатысады.

Шахмат спорты — қазіргі таңда қарқынды дамуда. Мерекелік жиында  ақыл-ойды ұштайтын сайысқа қызығаттын көрермендер де келді. Әлемдік аренада ерееше орны бар спорт түрі шаһардағы 42-ге жуық мектепте үйірме ретінде сабақ тізіміне енген. Гүлмира Бекзатқызының айтуынша шахмат баланың  интелектуалды қабілетін дамытады. Баланы мықты жеңімпаз бол деп емес жан-жақты болуға баулу керек,-дейді. Шахмат – бұл өнер, стратегия және интеллектуалдық жарыс қана емес, сонымен қатар пікір алмасу, жаңа орта табуға  мүмкіндік береді. Ал, фестивальге Түркістаннан да кішкентай қатысушылар келді. Олар шахматқа қатысып, жоғары дәрежеде ойын өрнегін көрсетіп, биіктерді бағындырғысы  келеді екен.

Қалада қазіргі таңда шахмат үйірмелері көп кездеседі. Ал мектеп қабырғасындағы үйірмеге 20 мыңнан астам бала қатысады екен. Шаһарда  өтіп жатқан шахмат жарысын келушілер тамашалап қана қоймай, тәжірибе жинақтады. Қазір қоғамға сыни ойлайтын, озық ойлы адамдар керек екені анық. Ал шахмат — адамның ақыл-ойын дамытатын бірден-бір ойын түрі. Сондай-ақ, жиында қатысушылар олимпиада чемпионы Ксения Балабаевамен ойнау мүмкіндігіне ие болды. Жақсы ойын көрсеткен оқушыларға ынталандыру сыйлықтары табысталды.