«Мемлекеттік тіл — Тәуелсіздік символы». Дәл осы тақырып аясында Шымкент қаласында байқау өтті. Ұлағатты ұстаздардың арасындағы сайыстың мақсаты қазақ тілін, ұлттық құндылықты насихаттау. Өзге ұлт өкілдерінен құралған мұғалімдер арасында өткен бұл сайыс үш кезеңнен тұрды. Бірінші кезең — “Жұлдызды сәт” деп аталады. Бұл кезеңде қатысушылар өнерін көрсетіп, көрерменнің құрмет қошеметіне бөленді, ал екінші кезеңде өнерпаздар Отан, ел, туған жер туралы мақал- мәтелдерді жалғастырды. Шешуші кезеңде мұғалімдер салт-дәстүр, белгілі тұлғалар жайлы сұрақтарға жауап берді.
Қатысушы Мафтуна Сейдова: «Бұл менің алғашқы қатысқан байқауым. Қазақ тіліне деген құрметім ерекше. Сайысқа қатысу себебім қазақ тілін қаншалықты дәрежеде білетінімді тексеріп, қазақ халқына деген ерекше ықыласымды көрсету»,-деді.
Аталмыш додада отыз қатысушыдан іріктелген он төрт қатысушы бақ сынады. Қатысушыларға қолдау көрсетуге жақындары келді. Бұл сайысқа өзге ұлт өкілдері де келіп бақ сынады.
Қатысушы Мунира Ашимова: «Мен бұл сайысқа қатысатын кезде қатты қуандым. Қазақстанда өмір сүрген соң ұлтым өзбек болсада бұл сайысқа қатысып қазақ тіліне құрмет көрсету керек екенін айтқым келеді. Біз ұстаз болған соң көп ізденіп ,білімді болуымыз керек. Сондай-ақ, тіліміз анық әрі құлаққа жағымды болса тыңдайтын оқушығада жағымды. Ал мен үшін қазақ тілі ерекше, құрметке лайық тіл. Қарсыластарыма сәттілік тілеймін»,- деп өз әсерімен бөлісті.
Тілге құрмет көрсету мақсатында өткен жиында ұстаздар құр қол қайтпады. Барлығана дерлік сыйлықтар үлестірілді. Байқауға қала, аудандар арасынан іріктеліп өткен, мемлекеттік тілді жетік меңгерген 18-35 жас аралығындағы мамандар қатысты.
Қатысушыларға кезеңдерде шектік уақыт берілді. Қазылар алқасы әр кезең бойынша үміткердің тіл тазалығына, сахнада өзін ұстау мәдениетіне, берілген тапсырмалар бойынша тақырыпты аша білуіне қарай бағалады.
Севара Ерметова номері 3 мектепте инфарматика пәнінің мұғалімі боп қызмет етеді екен. «Дайындығым жақсы бірақ қатты қобалжыдым. Сайыс өте жақсы деңгейде өтуде, қарсыластарымның барлығы өнерлі. Сайысқа қатысасың дегенде қуандым себебі қазақ тілі өте керемет тіл. Мектепте ұстаз болған соң бізге әркез дамып жүру керек. Ұстаздар әр кез ізденетіні анық. Алдағы уақытты жиі қатысып тұрамын деп ойлаймын. Мені бүгін қолдауға бауырым мен кішкентай қызым келді. Олардың қолдауымен әліде жеңістерге жететіне сенемін»,- дейді.
Жанкүйер Гузаль Баханова: «Мен бүгін әпкем Севараға қолдау көрсету үшін келіп отырмын. Әпкем өте еңбекқор, ізденімпаз жан. Сайысқа қатысар кезде көмек көрсеткім келді бірақ мүмкіндік болмады. Севара барлығына қатты дайындалды. Ол ерекше ұстаз, әрқашан күліп айналасына нұрын сыйлап жүреді. Оның әлі талай биіктерден көрінетініме сенемін».
Байқау жеңімпаздары мен жүлдегерлері арнайы дипломдармен және сыйлықтармен марапатталды. Жиын соңында қатысушылар ұйымдастырушы ұжымға алғыстарын жеткізді.
