Қаламызда ұлттық киім тігумен және ұлттық нақышта зергерлік бұйымдар жасаумен айналысатын шеберлердің қатысуымен суретші-дизайнерлердің фестивалі өтті. Қоғамдық келісім мекемесінің ұйымдастыруымен өткен Ұлттық нақыштағы киімдердің сәндік көрсетілімі — жастардың ұлттық мәдениетке деген қызығушылығын оятты.
Ал дәстүрге айналған бұл қолөнер көрмесі жылдан жылға маңыздылығы артады, көпшіліктің сұранысына ие.
Жиынды тамашалаушы студенттерген шеберлер қолдарынан шыққан туындыларын таныстырды. Теріден, ағаштан, киізден, зергерлік бұйымдардың, ұлттық нақыштағы оюлаңған киімдерге жастар қызығушылық танытты. Қолөнершілер, тігіншілер негізінен табиғи шикізаттарды пайдаланып, қарапайым еңбек құралдарының көмегімен көркем өнердің туындысының арқасында тұрмысқа қажетті ыдыстар мен киім-кешекке дейін жасайды. Әр тұлғаның қолынан келе бермейтін қол өнер туындылары қазіргі таңда жоғары дәрежеге ие.
Қазақтың ұлттық киім үлгілерін жастарға насихаттау мақсатында “Ұлттық киім – ұрпаққа мұра”атты фестивальға 100 жуық жас өрен қатысты. Фестиваль барысында қазақтың ұлттық нақышта әзірленген этностильдегі киімдерді дизайнерлер жұртшылық назарына ұсынып, көрермендердің ықыласына бөленді. Шымкент қаласы ішкі саясат және жастар істері жөніндегі басқармасының басшысы, сондай-ақ қалалық «Қоғамдық келісім» мекемесінің басшысы қатысып, Айгерім Жұмағұлова ұлт мәдениеті мен ұлттық құндылықтарды насихаттап жүрген қолөнер шеберлерін құттықтап, ақжарма тілектерін білдірді.
Фестиваль барысында қазақтың ұлттық киімдерінің этностильдік топтамасы бойынша Өзібекәлі Жәнібеков атындағы «Ақ баян» сән театры , Исмаилов атындағы кәсіптік колледжінің ұлттық киім үлгілерінің топтамасы, «Ару аналар» топтамасы ,№5 Жеңіл өнеркәсіп және сервис колледжінің сәндік киім үлгілер топтамасы, Ә.Қастеев атындағы өнер және дизайн колледжінің «Асыл мұра» сәндік киім үлгілерінің топтамасы, «Асыл мұра» ұлттық киімдер топтамасы және Орталық Азия инновациялық университетінің «Сән» тобы подиумда киімдерін келген көрермендерге көрсетті.
Әрбір қолөнер туындылары өз заманының мәдениетінің үлгісі еліміздің салт-дәстүрінің көрінісі екені анық. Өз кезегінде қазылар алқасы фестиваль қорытындысы бойынша үздік деп танылған жеңімпаздарды марапаттап, арнайы дайындалған дипломдар мен сыйлықтарын үлестірді.
