Мегаполисте жалпы 32 діни бірлестік бар. Діни конфессия өкілдері арасында ынтымақ пен бірлікті нығайту мақсатында кіші футболдан турнир өтті. Дәстүрлі түрде ұйымдастырылатын байрақты бәсеке жайлы келесі сюжетте.
18-қазан рухани келісім күні. Мереке қарсаңында дін істері басқармасының ұйымдастыруымен, қала әкімдігінің қолдауымен мәдени спорт ойындарынан турнир өтті. Жастар арасында салауатты өмір салтын насихаттау, спортқа баулу мақсатында ұйымдастырылған бәсекеде қала аумағындағы діни конфессия өкілдерінен 10 команда бақ сынады.
Жарыс өте тартысты әрі қызықты өтті. Турнирдің мақсаты діни конфессия өкірдері арасында ынтымақ пен бірлікті, достықты нығайту болып отыр. Қатысушы командалар екі топқа бөлініп, финалдық бәсекенің жолдамасын сарапқа салды. Әр топта үздік деп танылған екі команда турнирдің жеңімпазын анықтайды.
Айта кетейік, шара соңында топ жарған командалаға медальдар мен кубок табыс етілді. Сонымен қатар үздік өнер көрсеткен ойыншыларға үздік ойыншы, үздік қорғаушы, үздік қақпашы номинациясымен сый-сияпаттарға ие болды.
