Шымкентте 2007-2009 ж.т. жасөспірімдер арасындағы аударыспақтан XII Қазақстан Республикасы чемпионаты өтті. Айтулы додаға еліміздің 17 аймағынан спортшы бақ сынады.
Аударыспақ ат үстінде күрес саналатын ежелгі ұлттық ойын. Енді жаңғырып келе жатқан спорттың бұл түрі — спортшыдан үлкен ептілікті, күштілікті, төзімділік пен батылдықты талап ететін ұлттық спорттың бір түрі (екі салт атты бір-бірін аттан аударып алуға тырысады).
Аударыспаққа тәртіп бойынша ат үстіндегі айқасты жақсы меңгерген, тиянақты дайындығы бар спортшылар ғана қатынаса алады. Ал дайындығы жеткіліксіз, тәжірибесі аз спортшылар үшін бұл өте қиын. Сондықтан қазіргі тәртіп бойынша сайысқа 18 жасқа толғандар ғана қатынастырылады. Сайысқа қатынасушылар үш салмақтық категорияға бөлінеді. Аударыспақ салмақтық категорияға бөлінеді. Аударыспаққа салмақтың категорияны енгізудің мақсаты — қатынасушыларға неғұрлым теңдік жағдай туғызу. Оны спорттың сайыстың бір түріне айналдыру үшін бір-біріне тең келетін салмақтық категорияны көбейту дүрыс. Бұл категорияға бөлу соңғы кезде қалыптасты. Ертеде кез келген тілек білдіруші өз еркімен қатынаса беретін болған. Амал қанша, спорттық жарыстарда сол үш категорияның өзі де көбіне әлі де сақтала бермейді. Спорттың бұл түрінің дамуымен бірге, сөз жоқ оның салмақтық категориясы да көбейе, кеңейе беретіні күмәнсіз.
Аударыспақ ұлттық спорты бұған дейін 5 салмақ дәрежесінде өтіп келсе, биылдан бастап 9 салмақ дәрежесі бойынша сынға түседі. Нақтырақ айтсақ, 42, 48, 54, 59, 65, 71, 77, 82 және 82 келіден жоғары салмақтағы палуандар ат үстінде белдеседі.
Шымкент қаласындағы атшабарда аударыспақтан 2007-2009 жылы туылған жасөспірімдер арасындағы 12-ші ҚР чемпионаты өз мәресіне жетті.
185 палуан үшінші мегаполис төрінде бас қосты. Білекті де жүректі жігіттердің жарысы 3 күн бойы кіл мықтыны анықтады. Сондай-ақ жаңа атшабардың манежінде өткен додаға қала тұрғындары өз жанкүйерлеріне қолдау көрсетіп, жарыстың әділ өтуінің куәсі болды. Сонымен қатар жеңімпаздар мен жүлдегерлер анықталып, ұйымдастырушылар атынан арнайы диплом мен сертификат табысталды. Республикалық чемпионатта Шымкент қаласының спортшылары жүлдеден тыс қалмады, 1 алтын және 3 қола медаль жеңіп алды. Олар:
Жантай Ердос, 59 келі
Ертай Нұрсапар, 48 келі
Қамбаралы Рахат, 65 келі
Мухтархан Досжан, 71 келі
Биылғы чемпионат 9 салмақ дәрежесі бойынша өтті. Жеңген спортышлар іріктеліп, халықаралық жарыстарға жолдама алады.
Шымкент қаласында аударыспақ спорт бөлімі 2020 жылдың қыркүйек айында ашылды. Биыл аударыспақ спорт түрінен сәуір айында Шымкент қаласының жастар арасындағы іріктеу чемпионаты өтсе, қыркүйек айында Шымкент қаласының жасөспірімдер арасындағы іріктеу чемпионаты өтті.
