ЖАСТАР ЖҰМЫСПЕН ҚАМТЫЛАДЫ

Еліміз бойынша жастарды жұмыспен қамту және қолдау мақсатында түрлі жиындар өткізіліп, кеңестер мен қолдаулар беріліп келеді. Осы мақсатта мегаполистегі жоғарғы білім беру ұйымдарының студенттеріне арналған кездесу ұйымдастырылды. Жиын барысында олардың кәсіби дамуы мен жұмыспен қамтылу мүмкіндіктері түсіндірілді.

Шымкент қаласы бойынша техникалық және кәсіптік білім беру ұйымдарының студенттеріне арналған «Тегін кәсіптік-техникалық білім — сенімді болашақтың кепілі» тақырыбында кездесу өтті. Онда жастарға тегін кәсіптік-техникалық білім алудың артықшылықтары түсіндірілді.

Жастарға тегін кәсіптік-техникалық білім алу жолы қарастырылған. Ол арқылы 3 ай қысқа мерзімді білімін шыңдап, тәжірибесін арттыра алады. Алғашқы айы теория, ал қалған уақытын практикадан өтеді. Мамандардың айтуынша өткен жылы жастар практикасы бойынша Шымкент қаласынан 8000-нан астам жасқа жұмыс табуына көмек берілген.

Жиынға қатысушылардың бірі Диас Серікұлы. Ол Шымкент қаласы білім басқармасының «Политехникалық колледжінің» 3 ші курс студенті. Бүгінгі шарадан көкейдегі сауалына жауап қарастыра отырып, жастар практикасы арқылы жұмыс жасауға ниет білдірді.

Кездесу барысында мамандар студенттерге кәсіби біліктіліктің бүгінгі нарықтағы маңызы, жұмысқа орналасу мүмкіндіктері туралы ақпарат берді. Әсіресе, студенттерге еңбек нарықтарының талаптары мен заманауи өндіріс орындарында сұранысқа ие мамандықтар туралы жан-жақты мәліметтер ұсынылды.