Шым шаһардан “Бірлік керуені” жолға шықты. Астана қаласында 8-13 қыркүйек аралығында V Дүниежүзілік көшпенділер ойындары өтеді. Биылғы шараның ерекшелігі әр облыстың белігілі спортшылары жергілікті жердегі қасиетті бұлақтар мен құдықтардан су алып, арнайы торсықпен Астана қаласына жеткізеді. Үшінші мегаполистан шықан керуен, бойыңа күш-қуат дарытатын, тәнің мен санаңды сергітетін Қошқар ата өзенінен суды торсыққа толтырған. Шымкент жұртшылығы “Шым Қала” мәдени-тарихи кешеніне жиналып, керуенді шығарып салды.
Дүниежүзілік көшпенділер ойындарына қоғамды барынша араластыру мақсатында «Бірлік керуені» жобасы ұйымдастырылған. Бұл жобаның мақсаты бүкіл өңірде мәдени бағдарламаны үздік өңірлік этникалық жобалармен толықтыруға, сондай ақ, ұлттық спортты барша қазақстандықтар арасында кеңінен насихаттауға арналған. Дүниежүзілік көшпенділер ойындары 2014 жылы алғаш рет Қырғызстанда бастау алды. 2016 және 2018 жылдарыда осы елде ұйымдастырылып өткізілді.
Ал, 2022 жылы Түркияның Изник қаласында өтті. Ал енді бұл жоба Республикамыздың бас қаласы Астана қаласында өтетін болады.
Шараның ерекшелігі спортшылар алау емес, өздерімен бірге торсыққа құйылған бұлақ суларын бас қалаға жеткізіп, тайқазанға барлық жиналған су құйылады екен. Шым шаһар «Қошқар ата»өзеннің суын таңдаған. Бұлақ басынан атқылап шығып жатқан мұздай суды торсыққа толтырып, спортшыға табыс етті.
V Дүниежүзілік көшпенділер ойындары спорттың 21 түрі бойынша өтеді. Оған әлемнің 89 елінен 2000-ға жуық спортшы, бапкерлер мен өкілдер қатысып, негізгі жүлделерді сарапқа салады. Ал Шаһарымыздан 15 жаттықтырушы төрешілік етеді. Соның бірі теңге ілу спортынан бас төреші Талапбек Қыпшақбаев Қазақстан құрамасының жеңімпаз боларына сенімдіміз дейді.
Айта кетейік, Біздің өңірден спорттың 10 түрінен 18 спортшы қатысатын болады.
Сонымен қатар, Астанада өтетін «Көшпенділер әлемі» бағдарламасында мәдениет саласынан 126 адам өнер көрсетеді. Мәдениет қайраткерлері өз өнерлерін көрсететін болады.
