ҰЛЫ ДАЛА ШЕЖІРЕСІ — АТА ЗАҢ

Ата заң – мемлекетіміздің берік тұғыры, еліміздің дәйекті әрі тұрақты дамуының мызғымас кепілі. Үшінші мегаполистегі Түркістан сарайында Қазақстан Республикасының Конституция күніне арналған мерекелік шара өтті. Жиынға қала әкімі, қоғам қайраткерлері, ардагерлер мен зиялы қауым өкілдері қатысты.
Бұл күн мемлекеттік мерекелер ішінде ерекше орын алады. Конституция – азаматтық құқық пен бостандықтың басты кепілі, тәуелсіздік, бірлік пен елдің өркендеу символы. Әр азаматтың міндеті – осы құндылықтарды құрметтеп, сақтай отырып, тұрақты және демократиялық мемлекет құру.
Мерекелік іс-шара Шымкент қаласының мәдениет, тілдерді дамыту және архивтер басқармасына қарасты мекеме қызметкерлерінің «Ұлы дала шежіресі – ата заң» атты концерттік бағдарламасына ұласты. Жиында Ж.Шанин атындағы Шымкент қалалық академиялық қазақ драма театры, «Шымкент концерт» концерттік ұйымының әншілері, опера және балет театрының солистері тағы да басқа эстрада жұлдыздары өнер көрсетті.
Шара соңында қала әкімі Ғабит Сыздықбековтың ықылас гүлі табысталды.