Шымкент қаласының қалалық жайлы ортаны дамыту басқармасының 2024 жылдың 1 жартыжылдығында атқарылған жұмыстар туралы баспасөз конференциясы өтті. Басқарма басшысы Іске асырылған жобалар мен алдағы уақытта іске асырылатын жоспарлармен бөлісті. Қазіргі таңда, Шымкент қаласы аумағында жалпы аумағы 210 га жер телімін құрайтын 10 саябақтар, 44 гүлзарлар мен аллеялар, 117 га құрайтын «Дендросаябақ» бар. Ағымдағы жылы екі саябақтың құрылысы аяқталып, халық игілігіне берілді.
Сонымен қатар, 2025 жылдың соңына дейін өңіріміздегі саябақтардың санын 15 ке, гүлзарлар санын 50 ге жеткізу бойынша жұмыстар атқарылуда.
Одан бөлек, қала тұрғындарына қолайлы жағдай жасау үшін ағымдағы жылы жалпы ұзындығы 36,4 шақырымды құрайтын 20 көшені абаттандыру, көгалдандыру жоспарлануда.
Газон егумен қатар, әр түрлі ағаш көшеттері де (52 345 дана) отырғызылатын болады. Бұл өз кезегінде тек қана көрік беру үшін ғана емес, қаланың ауасының тазаруына да көп септігін тигізетін болады.
Аталған көшелерді көгалдандыру арқылы қаланың көгалдандыру аумағын 385 860 шаршы метрге ұлғайту жоспарлануда.
Шымкент қаласында жайлы ортаны дамыту басқармасының теңгерімінде 25 нысанда 40 субұрқақ (фонтан) бар. Бүгінгі күнде қала аумағындағы барлық субұрқақтары жүйелі түрде (кестеге сәйкес таймермен) жұмыс атқаруда. Субұрқақтар белгіленген қосылу мезгілінен бастап демеушілік есебінен іске қосылып, бірнеше электр жүйелері мен насостары жаңартылды.
Қала тұрғындарының ұсынысы негізінде, Тәшенов және Түркістан көшелерінің қиылысында орналасқан тарихи Көл аумағын толығымен жаңарту жұмыстарын жүргізіп, аббаттандырып, жаңадан 3 (үш) субұрқақ қойылып, іске қосылды.
Сонымен қатар Ордабасы алаңындағы қоршаулар, гранит жабындылары, субұрқақтар мен өрнектастар жаңартылды.
