«Жүзуді білмеген суда жанынан айырылады, бағуды білмеген далада малынан айырылады» деген қазақ халқы суға жүзіп шынығуды, сондай-ақ малтудың, жүзудің қыр-сырын жастай игеруді пайдалы деп таныған. Суға жүзуді үйренудің бала денінің сау болып, түрлі қауіп-қатерден тайсалмайтын батыл, ержүрек азамат болып қалыптасуында маңызы зор. Ал қазіргі таңда су денені шынықтырудың бір тәсілі ғана емес түрлі дертке дәру боп отыр. Мамандар тарапынан терапия ретінде ұсынылуда. Бүлдіршіндер суға жүзуді не үшін үйрену керек? Су терапиясының тиімділігі мен артықшылығы неде?
«Жастар ресурстық орталығы» КММ-нің ұйымдастыруымен «№3 арнаулы әлеуметтік қызметтер көрсету» орталығы және «Кәмелетке толмағандарды бейімдеу» орталығының тәрбиеленушілеріне арнайы психологиялық акватерапия өтті.
Акватерапияның мақсаты – жастар мен жасөспірімдердің тактильді-кинестетикалық сезімталдықты және қолдың нәзік моторикасын дамыту, баланың психо-эмоционалды жағдайын тұрақтандыру. Интернетте су терапиясының сырын түсіндіруге тырысқан зерттеулер де баршылық. Олардың айтуынша, су баланың визуалды қабылдауын күшейте түседі. Сол арқылы баланың бойында оған қажетті нақтылықты арттырады. Шетелдік ғалымдардың мәлімдемелерінде су балаларға қауіпсіз және оларды қолдайтын орта ретінде сипатталады. Су қысымы балаларды құшақтап алғандай әсер етеді екен. Яғни, түсінікті тілмен айтқанда махаббат пен көңіл бөлуді қажет ететін бүлдіршіндерді құшағына алып, жан баласына жапа шектірмейтіндей күй сыйлайды
Терапия барысында акватерапия бағытында түсіндірме жұмыстары жүргізіліп, бірнеше психологиялық әдістемелер мен ойындар ойнатылды. Сонымен қатар акватерапиядан кейін жастар түскі ас ішіп, естелікке суретке түсті.
