Тұран ауданының әкімі Берік Айдарұлы ауданның дамуы бойынша 2024 жылдың 6 айында атқарылған жұмысы жайлы баспасөз брифингінде баяндады.
Тұран ауданына қарасты елді мекендердің 90,5 % сапалы ауыз сумен қамтылған. 2026 жылы 100 % сапалы ауыз сумен қамтылатын болады. Ал, 85,7 % табиғи газбен қамтылса, 95,2 % электр қуатымен қамтылған. 2026 жылы табиғи газбен – 100 %, 2025 жылы – 100 % сапалы электр қуатымен қамту жоспарланған. Сондай-ақ, кәріз жүйесімен қамту көрсеткіші бүгінде 57,1 % құрайды. 2025 жылы бұл көрсеткішті 60,2 % — ға жеткізу жоспарға қойылған.
2024 жылы Тұран ауданындағы 42 көшеге, 34,8 шақырым жол салу жоспарланған.
Бүгінгі күнге 16 көшеге асфальт төселді. Сонымен қатар, 2024 жылы барлығы 36 көшеге аяқжол салу жоспарланған. Бүгінгі күнге дейін 14 көшенің құрылысы аяқталды, қалған 8 көшеде құрылыс жұмыстары жалғасуда. Ал қалған 14 көшенің құрылысы басталады. Ал, жарықтандыру бойынша 2024 жылы 21 шағын ауданда 165 шақырымды құрайтын 200 көшеге 3500 дана бағананы жарықтандыружоспарланған. Бүгінгі күнге дейін 80 көшежарықтандырылды. Сондай-ақ, 2024 жылға 30 балалар ойын алаңшаларын орнату жұмыстары жоспарланған.
Балаларды қорғау күніне орай Қажымұқан стансасынан Дендросаябақ аралығына дейін жүріп өтетін ұзындығы 6 шақырымға жуық «Тұлпар» балалар темір жолының орнына веложол салынды. Сонымен қатар, тұрғындарға қолайлы жағдай жасау мақсатында арнайы баспалдақ жасалды.
2024 жылы аудан аумағында демеушілер тарапынан 2 демалыс аумақтары (аллея, сквер) тұрғындар игілігіне берілді
2024 жылы аудан аумағындағы 30 көшеге 1170 қоқыс жәшігін орнату жұмысы жүргізілуде. Қазіргі таңда, 780 қоқыс жәшігі Қонаев, Бәйдібек би, Бәйтереков, Адырбеков, Дулати, Қазыбек би, Мангелдин, Асқаров көшелеріне орнатылды.
