Шаһарда қала әкімдігі мен «Аманат» партиясының ұйымдастыруымен «Жастарға жұмыс» жобасы аясында жәрмеңке өтті. Халықты мамандықпен қамту шараларын іске асыру барысында 22 702 жас мансап орталықтарының қызметіне жүгініп, оның ішінде 9 133-і жұмыспен қамтудың белсенді шараларына тартылған.Мемлекет басшысы Қасым-Жомарт Тоқаев өз жолдауында жастарға жан-жақты қолдау көрсету – мемлекетіміздің басты міндетінің бірі және еңбекпен қамтитын түрлі шаралар арқылы жыл сайын 100 мың жасқа жұмыс беру керектігін ерекше атап өткен болатын. Арбат алаңында өткен жәрмеңкеде 70-ке жуық жұмыс беруші мекеме мемлекеттік қызмет, жеңіл өнеркәсіп, қызмет көрсету салалары бойынша 700 мыңға жуық бос жұмыс орындарын ұсынды. Қазақстан Республикасының Еңбек және халықты әлеуметтік қорғау министрлігінің «Enbek.kz» порталында бүгінгі күнде 1908 бос жұмыс орны жарияланған. Басты мақсат – жастарды тұрақты жұмыспен қамту.
Республикалық жәрмеңкеге Павлодар, Ұлытау және Солтүстік Қазақстан облысының Еңбек мобильділігі орталығының өкілдері де қатысты. 1499 жас азамат «Бастау бизнес» жобасы бойынша кәсіпкерлік негіздерге оқуға тіркелген. Айта кетсек, жыл басынан бері 3 143 жас осы бағытпен уақытша жұмыс орындарына жолданып отыр. Ал тұрақты жұмыс орындарына 3 355 жас орналастырылды. Жалпы, Шымкент қаласындағы 2024 жылдың І-тоқсанында 15-35 жас аралығындағы жастар арасындағы жұмыссыздық деңгейі 2,9 пайызды құрап отыр.
ТІСІМЕН АВТОБУС ТАРТҚАН РЕКОРДШЫ
Салмағы 18 тоннаға жуық автобусты тісімен тартқан Шымкенттік азамат әлемдік рекордты тағы бір жаңартты. Дәлірек айтқанда Артық Досалиев есімді 53...
