Мәдениеттіліктің бастауы – тазалықта. Шымкентте «AMANAT» партиясының ұйымдастыруымен “Таза бейсенбі” тазалық акциясы өтті. Арнайы сенбілікке ардагерлер кеңесінің мүшелері, Еңбекші ауданының әкімі, партия қызметкерлері, “Жастар рухы” белсенділері және БАҚ өкілдері қатысты. Экологиялық акция аясында Бадам өзенінің маңы күл-қоқыстан тазартылды.Мемлекет басшысының қолдауымен республиканың барлық өңірінде “Таза Қазақстан” экологиялық акциясы сәуір айының 8-ші жұлдызында бастау алды. Осы бастаманың жалғасы ретінде “AMANAT” партиясының таза бейсенбі экологиялық іс-шарасы Еңбекші ауданына қарасты Бадам өзенінің маңында жалғасын тапты. Басты мақсат – қоршаған ортаға саналы көзқарасты қалыптастыру және табиғатты сақтаудың маңыздылығын түсіну.
“Таза бейсенбі” акциясы “Таза Қазақстан” жобасы шеңберінде жалпы мақсаттарға қол жеткізу үшін, қазақстандағы экологиялық жағдайды жақсарту және өмір сүру сапасын арттыру жолындағы маңызды қадамдардың бірі. Айта кетейік, ұзақ мерзімге жоспарланған экологиялық акция барысында партияластар аптаның әр бейсенбісінде бекітілген учаскелерде тәртіп пен тазалықты сақтауды қамтамасыз етеді, абаттандыру мен инфрақұрылымды дамытуға байланысты мәселелерді де шешетін болады. Кейіннен әрбір ластанған учаскеге бастауыш партия ұйымдары мен аудандық филиалдары бекітіледі.
МЕМЛЕКЕТ БАСШЫСЫ XI «АЙБЫН» ХАЛЫҚАРАЛЫҚ ӘСКЕРИ-ПАТРИОТТЫҚ ЖАСТАР ЖИЫНЫНА ҚАТЫСТЫ
Президент – Қазақстан Қарулы Күштерінің Жоғарғы Бас қолбасшысы Қасым-Жомарт Тоқаев XI халықаралық «Айбын» әскери-патриоттық жастар жиынының ашылу рәсіміне қатысты....
