ҚЫРМАНҒА ОРАҚ ТҮСТІ

Түркістан облысының әкімі Қазығұрт ауданына барып, ауыл шаруашылығы саласындағы жұмыстарды бақылады. «Қазығұрт-Агро» ЖШС-нің егіс алқабын аралап, бидай ору барысын көрді, шаруалармен, сала басшыларымен пікір алмасты. Егістік басында ауыл шаруашылығы басқармасының басшысы Нұрбек Бадырақов пен Қазығұрт ауданының әкімі Азизхан Исмаиловтың есептері мен баяндамалары тыңдалды.
Түркістан облысында ауыл шаруашылығы қарқынды дамып келеді. Биыл 873 мың гектарға дәнді дақылдары егілсе, оның ішінде жаздық дақылдар – 497 мың гектар, күздік егіс – 202 мың гектар, ескі жоңышқа 175 мың гектарға егілген. «Қазығұрт-Агро» ЖШС-нің басшысы Ержан Көбеевтің сөзіне сүйенсек 483 гектар жердің 350 гектарына бидай егілсе, қалғанына өзге өсімдіктер егілген. 4 адам тұрақты, 10 адам маусымдық жұмыспен қамтылған.
Түркістан облысында көктемгі дала жұмыстарын жүргізуге 29,7 мың тонна жеңілдетілген жанар-жағармай бөлінген. Бүгінгі күнге 12,6 мың тонна дизель отыны тауар өндірушілерге босатылды. Сондай-ақ жиын терім жұмыстарына 23,3 мың тонна жанар-жағармай бөлінді, босату жұмыстары 1 аптада басталады.
88,3 мың тонна тыңайтқыш құнын субсидиялауға облыстық бюджеттен 7 млрд. теңге қаржы бөлінген. Облыстың климаттық ерекшелігіне орай, республикада алғашқы болып 282 мың гектарға егілген астықты ору науқаны басталған. Гектар түсімділігі 19 центнер болып, 534 мың тонна дән жинау күтіліп отыр. Бүгінгі күнге жоспарланған егіс көлемінің 39 мың гектары орылып, 80,0 мың тонна астық қамбаға құйылған. Айта кетейік, биыл 3,1 млн. тонна көкөніс, бақша, картоп өнімдері жиналады деп күтіліп отыр. Бүгінгі күнге 740,0 мың тонна өнім жиналған. Атап айтқанда, 418 мың тонна көкөніс, 113 мың тонна бақша, 206 мың тонна картоп және 3,0 мың тонна жеміс-жидек теріп алынды. Мемлекет басшысының тапсырмасы аясында Түркістан облысына 2030 жылға қарай су үнемдеу технологияларын 216,3 мың гектарға енгізу жоспарланған. Биыл жаңадан 22,0 мың гектарға су үнемдеу технологиялары орналастырылады деп күтілуде.