Қала күні жаңа «Tulip Hall» конгресс холлда тойланды. Салтанатты кеште қала басшылығы қонақтарды мерекемен құттықтады. Концерттік бағдарламада күйден шашу шашылып, әлемдік және отандық классикалық музыка қорынан үздік шығармалар орындалды. Сондай-ақ, Шымкент қаласының көркеюуіне, дамуына, гүлденуіне үлес қосқан жандарға Шымкент қаласының «Құрметті азаматы» атағы берілді. 
«Tulip hall» көпфункционалды кешенінде Қала күніне арналған мерекелік іс-шара өтті. Салтанатты кешке қала басшылығы, зиялы қауым өкілдері, түрлі сала ардагерлері мен өкілдері, мәдениет мекемелерінің басшылары сондай-ақ қала қонақтары мен тұрғындары қатысты. Қала әкімі Ғабит Сыздықбеков қонақтарды мерекемен құттықтап, ізгі тілегін білдірді.
Жиында қала әкімі Ғабит Сыздықбеков пен қала мәслихатының төрағасы Бахадыр Нарымбетов қаланың дамуына елеулі үлес қосқан бірқатар азаматтарды Шымкент қаласының “Құрметті азаматы” атағымен марапаттады. Олар: 1. Орынбай Рахманбердиев
2. Досыбай Шерімқұлов
3. Баян Жандосова
4. Асма Калыбекова
5. Ерғали Бөлегенов
6. Үркен Абдреев
7. Серікбай Онбаев
8. Нұрғали Аққұлов
9. Момбек Амангелдиев
10. Сержан Тұрсынбеков
11. Сергей Дворцевой
12. Евстафий Пехлеваниди сынды белгілі азаматтар мен азаматшалар марапатталды.
Кеште, елімізге белгілі жұлдыздар мен жергілікті өнерпаздары қатысып, қалалық опера және балет театрының симфониялық оркестрі, хор ұжымы, балет труппасы, «Шымкент концерт» концерттік ұйымының өнерпаздарымен қатар «Қаған» этно-фольклорлык ансамблі, вокалды-аспапты ансамблі, «Қазына» және заманауи би ансамбльдері өнерлерін барша көрерменге паш етті.
Айта кетейік, 2022 жылдың 27 қарашасында Шымкент қаласына жұмыс сапарымен келген Мемлекет басшысы Қасым-Жомарт Тоқаев қалада ауқымды іс-шаралар өткізетін мәдениет ошағы тапшы екенін ескеріп, президентіміздің тапсырмасына сәйкес 2000 орындық Конгресс холлдың құрылысы басталғанын, және бұл нысан келесі жылы халық игілігіне пайдалануға берілетінін айтқан болатын. Міне, сол тапсырмаға сәйкес күні кеше ғана қала күніне орай мәдениет ордасы саналатын – «Tulip Hall» конгресс холл ғимараты халық игілігіне берілді.
Міне, сол тапсырмаға сәйкес күні кеше ғана қала күніне орай мәдениет ордасы саналатын – «Tulip Hall» конгресс холл ғимараты халық игілігіне берілді. Үш қабатты ғимараттағы концерт залының сыйымдылығы – 2066 орын. Сонымен қатар, 190 орындық конференция залы бар.
