Ағартушы педагог Ы.Алтынсаринның есімін иеленген мегаполистегі мектеп гимназиясы жылды жемісті қорытындылады. Негізгі 4 бағытта жұмыс істейтін мекеменің білім алушылары түрлі академиялық және шығармашылық жетістіктерін паш етіп, болашақ ұрпақтың жарқын бейнесін көрсетті. Мектеп гимназия әкімшілігінің ұйымдастыруымен есеп беру концерті өтіп, үкілеген үміттің жеңісі мен жемісін қорытындылады. Алтын ұядан түлеп ұшқан түлектердің басым бөлігі бүгінде қоғамның түрлі саласын меңгеріп, тұтқасын ұстап отырғаны белгілі.
Шымкент қаласы «Қазақстан Халқы Ассамблеясының» концерт залында Ы.Алтынсарин атындағы √65 мектеп гимназиясы әкімшілігінің ұйымдастыруымен «65 — болашағы жарқын әлем» тақырыбында есеп беру концерті өтті. Шара басында гимназия ұжымы медицина, экономика, қолданбалы математика, технология және өнер бағытында республикалық және халықаралық деңгейде жемісті жетістіктерін паш етті. Жылды жемісті қорытындылаған педагогтер мен білім алушылар өнер жұлдыздарымен бірге бір сахнада ән шырқап, көрерменге көтеріңкі көңіл-күй сыйлады.
Концерттік іс-шараға ҚР Оқу-ағарту министрлігі «Тәрбие жұмысы және қосымша білім беру департаментінің» директоры Меруерт Медетбекова, Шымкент қаласы Білім басқармасының басшылары, Еңбек және қоғам қайраткерлері, қалалық білім беру ұйымдарының бірінші басшылары, мектеп түлектері және ата-аналар қатысты.
Көрнекті ағартушы педагог, Кел, балалар, оқылық деп жастарды білімге баулыған қайраткердің есімін иеленген мектеп гимназия тұрмыста түйінді мәселелерді тез шеше білетін, төрт қабырғасы тең тұлға қалыптастыру мақсатында «біртұтас тәрбие бағдарламасын» жүзеге асыруда. Алтын ұядан түлеп ұшқан түлектердің біршамасы қоғамның түрлі саласында тұлға болып, тұтқасын ұстаса, басым бөлігі әлемдік танымал оқу орындарына шақырту алады. Әрине бұл педагогтердің білімі мен біліктілігінің нәтижесі.
