Енді Ыстамбул мен Түркістан қалалары арасында жүк ұшағы қатынайды. Күні кеше “Turkistan” халықаралық әуежайына “Turkish cargo” әуе компаниясының ұшағы келіп қонды. Бұл шара Түркістан әуежайының тарихында алғаш рет болып отыр. Түркия елінің Стамбул қаласынан келген ұшақ бортында “Kazakh cargo” компаниясының 37 тонна жүгі бар . Ал, жалпы ұшаққа 65 тоннаға дейін жүк тасымалдауға болады.
Әлемдік стандарттарға сай Түркістан халықаралық әуежайында Түркия елінің Стамбул қаласынан “Kazakh cargo” компаниясының жүк тиелген ұшағын қабылдау салтанатты іс-шарасы өтті. Бұл облыс орталығындағы халықаралық әуежайының тарихында алғаш рет болып отыр. Алғашқы ”Airbus 330-200” бортымен келген 37 тонна жүктің басым бөлігі киім-кешектер. Ал, ұшақпен жүк жеткізуші компанияның өкілі алдағы уақытта аптасына екі рет, сәрсенбі және жексенбі күндері жүк тасымалданатынын айтты.
“Turkish cargo” әуе компаниясының жүк ұшағы Италияның Рим қаласынан ұшып, Түркия арқылы Түркістанға жеткен. Енді Түркістаннан ұшаққа азық-түлік артылып, Қытай елінің Макао арнайы әкімшілік аймағына ұшады. Түркістан облысы әкімінің бірінші орынбасары бұл жүк ұшақ-облыстың экономикалық көрсеткішін жақсартуға алып келеді, деді.
