Денсаулық сақтау мекемелерінде 2023-2024 жылдары сыбайлас жемқорлық үшін жауапқа тартылғандар болмаған. Бұл туралы «AMANAT» партиясы қалалық филиалында өткен жиында қоғамдық кеңес мүшелері мәлімдеді. Жиында ағымдағы жылдың маниторинг нәтижесі баяндалды. Одан бөлек денсаулық сақтау саласының артықшылықтары мен кемшіліктері сараланды.
«AMANAT» партиясы қалалық филиалында қоғамдық кеңес мүшелерінен құрылған комиссия отырысы өтті. Жиында басқармада сыбайлас жемқорлыққа қарсы жүргізілген жұмыстарға маниторинг жүргізіп, қорытындысы баяндалды.
Қалалық денсаулық сақтау басқармаларына қарасты медициналық мекемелерінде сыбайлас жемқорлық тәуекелдерін алдын алу бойынша департамент қызметкерлерінің қатысуымен өткен жылы 2 жиналыс өткізілген. Медициналық ұйымдардың өзінде де бірнеше реттен түсіндіру жұмыстары жүргізіліп келеді.
Соңғы 2 жылдың қорытындысы бойынша қалалық денсаулық сақтау басқармасына қарасты мекемелерде сыбайлас жемқорлық үшін жауапқа тартылғандар болмаған. Қоғамдық кеңес мүшесі Салынхан Полатовтың айтуынша бұл бір жетістік. Дегенмен қоғамдық кеңес мүшесі басқармадағы кемшіліктерге тоқталды.
Айта кетейік, «AMANAT» партиясының кезекті жиналысы Мемлекет басшысы Қасым-Жомарт Тоқаевтың тапсырмасына сәйкес «Әділетті Қазақстан» құру жолында жоспарға сәйкес өтіп келеді.