Қасиетті Рамазан айында жарамазан айтылатыны белгілі. Биыл бұл дәстүрді жаңғыртуға айрықша ден қойған Шымкенттіктер жарапазан айтудан жарыс өткізді. Бұл байқауға 5 ауданның жарапазаншылары белсенді қатысты. Осы орайда жарамазанның жайына арнаулы тоқтала кетуді жөн санадық. Ораза айында ғана айтылатын жырдың бірі – жарамазан. Бұрын бүкіл қазақ ауылы жарамазанды жырлайтын болса, қазір қолданыстан шығып барады.
Елімізде Рамазан айында жылдан-жылға ораза ұстаушылардың саны молаюда. Осыған орай ата-бабамыздан бүгінге ауыз әдебиеті арқылы мұра болып жеткен жарамазан жыры қайта жаңғырса дейміз. Оған себеп, бұл жырдың басты мақсаты – ораза ұстаған жандардың көңілін көтеру, ислам дінін насихаттау, жұртты шариғатқа, иманға ұйыту, береке-бірлік пен ізгілікке шақыру. Оған балалар мен жасөспірімдерді тарту да үлкен өнеге болмақ.Қазіргі кезде әлеуметтік желіде жарамазан жолдап, ақысын онлайн сұрайтын жарамазаншылардың кездесуі – осы жанрдың жаңа заманға бейімделуге мүмкіндігі бар екенін аңғартады. Атауы мен болмысы өзгеріске ұшырап, бұрмалаушылыққа түскен жақсылықтың жаршысын бүгінгі заманауи қоғамға қайта әкелу құптарлық қадамның бірі болары анық. Себебі адамгершілікті, имандылықты, әділет пен адалдықты, діннің қадір-қасиеті мен тұнығын, оразаны дәріптейтін жарамазанды жаңғырту арқылы ұтпасақ, ұтылмайтынымыз анық.
ЖАСАНДЫ ИНТЕЛЛЕКТ ДИАГНОЗ ҚОЯДЫ МА?
Сапалы медицина қайдан басталады? Заманауи құрылғыдан ба, білікті дәрігерден бе, әлде науқасқа деген жанашырлықтан ба? Шымкент қаласындағы №7 қалалық емхана...
