3 сәуірде ҚР ТЖМ вице-министрі Серік Төленбергенов және Су ресурстары және ирригация министрі Нұржан Нұржігітов тік ұшақ арқылы Ақтөбе су қоймасы мен Қарғалы өзеніне әуемен шолу, барлау жұмыстарын жасады, деп хабарлайды ҚР Төтенше жағдайлар министрлігінің баспасөз қызметі.
Жалпы, халықты және аумақты су тасқынынан қорғау және авариялық-құтқару жұмыстары жалғасуда.
Облыс аумағында 764 үйді су басты. Эвакуацияланған 1962 адам уақытша орналастыру пункттеріне орналастырылды, 4674 адам туыстарында. 7072 бас мал қауіпсіз жерлерге айдалды.
Өткен тәулікте, тәуліктің түнгі уақытын қоса алғанда, қауіпті учаскелерде шамамен 16 703 дана қап және 10 600 тонна инертті материал төселді, 471 135 м3 текше метр су сорылды.
Авариялық құтқару жұмыстарына 1567 адам, 273 техника, 56 су сору құрылғысы және 31 жүзу құралы жұмылдырылды.
Мүдделі қызметтер мен ұйымдардың қатысуымен республикалық және облыстық жедел штабтар – ЖАО, Қазсушар, Қазавтожол тәулік бойы жұмысты жалғастыруда.
Ақтөбе облысы ТЖД Қоғаммен байланыс тобы
