Ұлытаулық жас ақын Айзада Рахымжан күміс қалам иегері атанды. Ақындар мүшәйрасы биылда өз жалғасын тапқан. Шараны Шымкент қаласы жастар ресурстық орталығы мен Қаратау өнер мектебі ұйымдастырып отыр. Респубоиксмыздың қаламы майлы 16 ақыны, 4 кезең бойынша бақтарын сынап, тартысқа түсті.
Үшінші рет ұйымдастырылып отырған поэзиялық кеш — жастардың ынтасын арттырып, ақындардың шабытын ашуға зор мүмкіндік береді.
Кешті ашып беруге Шымкент қаласы әкімінің бірінші орынбасары Қуаныш Асылов арнайы келіп, барша қазақстандықтарды Республика күнімен құттықтап, үлкен додада бақ сынасқалы келген жас қаламгерлерге сәттілік тіледі.
Бекітілген кестеге сәйкес 14 пен 35 жасқа дейінгі жастар қатарынан іріктеу кезеңіне 16 жас ақын жолдама алған. Олар 4 кезең бойынша бақ сынады. Бірінші кезеңде 16 ақын бір-бір өлеңнен оқыды. Ширек финалдық кезеңге 10 ақын жолдама алды. Ширек финалдық кезеңде 10 ақын, яғни 5 жұп өнер керсетті. Бұл кезде әр ақын 2 өлеңнен оқыды. Осы кезеңнің жеңімпаздары жартылай финалға жолдама алды. Жартылай финалдық кезеңде 5 ақын өнер көрсетті. Әр ақын 3 өлеңнен оқыды. Жартылай финалдың жеңімпазы атанған 2 ақын финалда жолығып, финалға шыққан 3 ақын әдеби сыйлықтардың лауреаттары атанды.
I орын “Күміс қалам-2023” жас ақындар мүшәйрасының иегері Ұлытау облысынан Айзада Рахымжан, II орынды Жадыра Байбуланова, III орынды Серғазы Қайырболды иеленді.
