2023 жылдың соңына дейін Шымкент қаласы 100 % ауыз сумен қамтылады. Бүгінде 81 елді мекеннің үшеуі суды кестемен тұтынуда. Ал, газбен қамту жұмыстары 94 пайызға жетіп, келесі жылға дейін 96 пайызға арттыру мақсатында жұмыстар жүруде. Қала басшысы Мұрат Әйтенов халықтың басты қажеттіліктерін қамтамасыз етуді қадағалап, құрылыс жұмыстарының бас-қасында жүруде.
Мегаполис елдімекендерін сапалы ауызсумен қамту мақсатында Сайрам, Құрсай және Қайнарбұлақ елдімекендерінде су құбырларын тарту жұмыстары кезең-кезеңімен іске асырылуда. Бұл жұмыстар ағымдағы жылдың қазан айында толық аяқталып, халық игілігіне беріледі деп жоспарлануда. Нәтижесінде 72 мың тұрғын ортылықтандырылған ауызсу жүйесіне қосылуға мүмкіндік алады. Қала әкімі Мұрат Әйтенов құрылыс барысын қадағалау мақсатында аталған елдімекендерге арнайы барып, жауаптыларға құрылыс талаптарын қатаң сақтауды және сапалы орындауды тапсырды.
Мегаполис тұрғындарының қолайлы өмір сүруін қамтамасыз ету мақсатында биыл Тассай, Асар 2, Сауле, Солтүстік саяжай, Бозарық шағын аудандарында газдандыру жұмыстары жүруде. жалпы қаланың 94 пайызы газ жүйесіне қосылған. Жуырда ғана Солтүстік жаяжай тұрғындары көгілдір отын берілді. Шағын ауданда құрылыс жұмыстары былтыр сәуір айында басталған болатын. Бүгін міне 6 мыңға жуық абонент табиғи газдың игілігін көруде. Сонымен қатар тамыз айында Нұртас шағынауданына да газ қосу жоспарлануда. Құрылыс жұмыстарының қарқынын бақылауға келген өңір басшысы мҰрат Дүйсенбекұлы мерзімінен кешіктірмей өндірістік кестеге сай құрылысты аяқтауды тапсыруда. Жыл соңына дейін қаланы 96 пайыз газьен қамту жоспарлануда. Ал Ынтымақ және Қайнарбұлақ елдімекен тұрғындары бұл қуанышқа 2024 жылы қол жеткізбек.
Шымкент қаласының алдағы 5 жылға бас жоспары жасақталды. Соған сай инфрақұрылым саласы да қарқынды дамып халыққа қолайлы жағдай жасалатын болады.