Көп түкірсе көл болар. Киелі Түркістан облысының жақсылыққа жаны құмар жұртшылығы жер-жерде ізгіліктің ұшқынын лаулатып, еншісі бөлінбеген қазақта жанқиярлықтың жұрнағын жалғады. Себебі, биылғы қуаңшылық Түркістан облысын да айналып өткен жоқ. Құрғақшылықтың зардабын сезсе де, Батыспен біргеміз деп демеу көрсетіп, көмек қолын созды. Сәті түсіп қасиетті жұмада саялы Сарыағаш ауданының теміржол станциясынан Маңғыстау және Қызылорда облыстарына 13 вагон шөп жөнелтілді. Игі іске мұрындық болып, мал азығын тасымалдауға Қазақстан Теміржол Ұлттық Компаниясы демеуші болып отыр.
Сауапты істің сардарлары Құрмет Талапқазы мен Мұратбек Солтанбай да мал азығын жөнелту шарасына қатысып, атсалысқан азаматтарға алғысын жеткізді. Ауызбіршілігі жарасқан жұрт — жұмыла көтерген жүк жеңіл деген қағиданы қаперінен шығармай, Маңғыстауға жіберілетін көмекті мұнымен тоқтатпақ емес.
Бұл бастамаға Бәйдібек ауданының ерікті азаматтары да күш біріктіруде. Қазіргі таңда шөп жинау жұмыстарын қолға алып, жақын арада Маңғыстауға мал азығын қосымша жөнелтпек.
Ағымдағы жылы қуаңшылық Түркістан облысының Келес және Сарыағаш аудандарының алқаптарына да кері әсерін тигізіп отыр. Жалпы алғанда өңірде ауылшаруашылығы малдарының ішінде ірі қара – 13 264 мың бас, ұсақ мал – 5850 бас, жылқы 427, 6 мың бас болса, түйе саны 39,5 мың басты құрайды. Өмірзақ Шөкеевтің тапсырмасына сәйкес қазіргі таңда облыстың агроқұрылымдарына орман қоры жерінен жайылымдық және шабындық жерлер ұсынылып, ағымдағы жылдың 6 айында 545 агроқұрылымға 562,9 мың га жайылым, шөп шабуға 1,5 га шабындық жер беріліп отыр. Ал 1 дана пресс шөптің бағасы қазіргі таңда 800 теңгеден саудалануда.
Сала мамандары шаруаларға алдағы уақытта мал азығы дақылдарын көптеп егуге кеңес беріп отыр. Сондай-ақ, шаруалар жайылымнан тапшылық көріп жатса, облыс әкімінің тапсырмасына сәйкес орман қорынан жер беруге дайын екендігін жеткізді.
Көлік кептелісі азайып, қатынас реттелсе, қала тынысы да кеңейе түседі. Бүгінде Шымкенттегі Керім Тіленшин көшесінің көрінісі осындай. Теміржол үстінен өтетін...
Ата сөзі ақылдың көзі. Ұлттық құндылықты ұлықтап, ұрпақтар сабақтастығын жалғау мақсатында Шымкент қаласының ардагерлері мен зиялы қауым өкілдері бір алаңда...
Енді көпе-көрнеу жасалатын алаяқтық схемалардың жолы кесіледі. Өйткені шымкенттік жастар жасанды интеллекттің көмегімен өзгенің атын жамылып жарнама жасаушы парақшалар мен...
Республика күні Шымкент аспаны мың батпырауыққа толып, ShymCity Park аумағы мерекелік алаңға айналды. Мұнда арнайы фестиваль өтіп, мото маусымының жабылу...
Ел боламын деген жұрттың еңсесін тіктеп, рухын асқақтататын ұлық мерекесі бар. Ол – Республика күні. 1990 жылғы 25 қазанда қабылданған...
Елдің ертеңі қандай болмақ? Қазақстанды жаңғырту жолында қандай басымдықтарға мән берілуі керек? Бұл сауалдарға жауап іздейтін еңбектердің бірі – Мәулен...
Түркістан облысында аумақтық қорғаныс бригадасының бөлімшесімен бірге ұйымдастырылған арнайы тактикалық оқу-жаттығуының жабылу салтанаты өтті. Әскери борышын өтеп қойған, қазір түрлі...
Түркістан облысында туризм саласы тарихи-танымдық, емдік-сауықтыру және экологиялық туризм болып 3 бағытта қарқынды дамып келеді. Жыл соңына дейін 38 туристік...
Түркістандық спортшы Айкөз Ералхан Иранның Тегеран қаласында өткен XVI Әлем чемпионатында үш медаль жеңіп алды. Ат үстінде жүріп садақ ату...
Бүгін Түркістан облысынан бір топ тұрғын Павлодар облысына жолға шықты. Мақсат – «Еңбек» бағдарласы арқылы көшу үшін Павлодар өңіріндегі ауылдарды...
