25 жылдыққа тарту!

25 жылдыққа тарту! Шымкент қаласының әкімдігі Азаматтық қорғау күніне орай Төтенше жағдайлар Департаментіне 31 су жаңа өрт сөндіру көлігін тарту етті. Миллионды мегаполиске айналған Шымкент қаласында биік ғимараттардың көбеюіне байланысты, қауіпсіздікке де жіті назар аударылуда. Беларусья елінен жеткізілген заманауи техникалардың мүмкіндіктері де өте көп.
19 қазан — Азаматтық қорғау органдарына 25 жыл толады. Айтулы мереке қарсаңында Шымкент қаласының әкімі Мұрат Әйтенов құтқарушыларды арнайы құттықтап, бірқатар мамандарға өз атынан алғысхаттар табыстады. Ал, ең үлкен сыйлық мына қаз-қатар тізілген, заманауи өрт сөндіру техникалары. Құны — 4 млрд. 300 млн. теңге. Сатып алу мемлекеттік-жеке серіктестік бағдарламасы аясында жүзеге асқан.
Әр жыл сайын техникамен толықтырылып отыратын Департамент бұл жолы, бірден 31 арнайы көліктерге ие болуда. Бүгінгі күнге дейін 100-ден астам техника болса, оларды пайдалану мерзімі 20 жылға жуықтаған екен. Иә, жаңа техникалар жаңа мүмкіндіктерге де жол ашуда. Ерекшелегі сол, мына алып 3 техника 61 метр биіктікке дейін көтеріліп, 16-қабаттағы өртті сөндіре алады. Тағы басқа да мүмкіндіктері жайында арнайы мамандар айтып берді. Департамент бастығы Нұрболат Дербісовтың айтуынша, Республика бойынша мұндай техникалармен қамтылған қала тек осы Шымкент қаласы екен. Ал, алдығы 2 жылда қажеттіліктерді толық қамтимыз дейді. Бүгінгі Техникалардың кепілдік мерзімі 10 жыл.