Тағайындау!

Президент әкімшілігі келісімімен, Қазақстан Республикасы Экология, геология және табиғи ресурстар министрінің бұйрығымен «Орман шаруашылығы және жануарлар дүниесі комитеті Шығыс Қазақстан облысы аумақтық орман шаруашылығы және жануарлар дүниесі инспекциясы» РММ басшысы болып Оразбаев Ділдәбек Тәжібайұлы тағайындалды.

Оразбаев Ділдәбек Тәжібайұлы — 1961 жылы 8 мамырда дүниеге келген. Ұлты қазақ. Білімі жоғары. Қазақтың Еңбек Қызыл Ту орденді ауыл шаруашылығы институтын ғалым агроном және Алматы экономикалық университетін қаржы мамандықтары бойынша бітірген, экономика ғылымдарының кандидаты, «Құрмет» орденінің иегері.
Еңбек жолын колхозда механизатор болып бастады. Әртүрлі жылдарда колхозда бас агроном, колхоз бастығы, Оңтүстік Қазақстан облысы Төлеби ауданы бойынша салық комитетінде әр түрлі қызметтер атқарды. Бизнес саласында басшылық қызметте болды. Оңтүстік Қазақстан облысы табиғи ресурстар және табиғат пайдалануды реттеу басқарма бастығының орынбасары, департамент директорының орынбасары, басқарма бастығы жұмыстарында еңбек етті.

Қазақстан Республикасы Ауыл шаруашылығы министрлігі Су ресурстары комитетінің «Шығыссушар» республикалық мемлекеттік кәсіпорнының директоры қызметтерін атқарды. Қазақстан Республикасы Ауыл шаруашылығы министрлігі Су ресурстары комитетінің «Қазсушар» республикалық мемлекеттік кәсіпорны Шығыс Қазақстан филиалының директоры, Шығыс Қазақстан облысы мәслихатының депутаты болып қызмет етті. Тарбағатай ауданының әкімі қызметін, 2019 жылдың 15 сәуірінен бастап Шығыс Қазақстан облысы Аягөз ауданының әкімі болып жұмыс жасаған болатын.